Ketekela mwi Yehoba ne Kuba Bintu Byawama

‘Kange . . . ubile kichima bangubabibi ne’

37:1, 2

• Kange muswishe bwikalo bumweka kuwama bwa bantu batama kwimulengela kuleka kwingijila Yehoba ne. Taitu muchima pa bulunda bwenu ne Lesa ne byo mukebesha kumwingijila

“Ketekela mwi Yehoba ne kuba bintu byawama”

37:3

• Yukai’mba Yehoba ukemukwasha kuyuka mwa kubila na bijikila. Aye ukemukwasha kutwajijila kwikala ba kishinka

• Twajijilai kusapwila mambo awama a Bufumu bwa Lesa

“Sangalela mwi Yehoba”

37:4

• Ikalaingapo na kimye kya kutanganga Mambo a Lesa ne kulanguluka langulukapo pa kuba’mba mumuyuke bulongo Yehoba

“Fikizha jishinda jobe kwi Yehoba”

37:5, 6

• Ketekelai mwi Yehoba kuba’mba ukemukwasha kupwisha makatazho o mubena kupitamo

• Twajijilai kwikala na byubilo byawama nangwa kya kuba bantu babena kwimukanya, kwimumanyika ne kwimubepela

“Uzhindame kwi Yehoba kabiji umutengelenga saka watekanya”

37:7-9

• Kubanga bintu na kanswatu ne, mambo kwakonsha kwimupwishisha lusekelo ne konauna bulunda bwenu na Lesa

“Bakimote bakaswana ntanda”

37:10, 11

• Kebai bukimote kabiji pembelelainga Yehoba kufumyapo makatazho o mubena kupitamo

• Na mambo a mulaye wa Lesa wa ntanda ipya ujitu pepi, tundaikainga bapopweshi bakwenu ne kutekenesha babena kupita mu makatazho