Kuwamishako Busendwe Bwetu bwa Kusapwila—Bya Kwingijisha JW.ORG

ENE MAMBO O KWANEMENA: Mabuku onse o tufunjishamo bantu ebatundaika kuya pa keyala wetu wa jw.org. Kabiji ye mwingilo mwine wa kakikachi ka jw.org ne talakiti wa Bañanyi Bakonsha Kukumbula Mepuzho Anema a mu Bwikalo Bwetu? Mwakonsha ne kusampanya mabuku o tufunjishamo bantu kwingijisha jw.org, kupichila mu kwibatumina buku ye mwakopolola nangwa kwibatuminatu musabilo wa kwibatwala po atanwa, kikatakata inge mubena kusapwila bantu bamba mulaka ungi. Kabiji bantu bamo bepuzha mepuzho o babula kukumbula mu mabuku etu o twingijisha pa kufunjisha Baibolo. Inge twayuka bya kwingijisha uno keyala wetu wa pa intaneti, uketukwasha kwingila bingi bulongo mu mwingilo wetu.

BYA KUBA:

• 

  Ingijishainga kipungu kya “BIFUNJISHA BAIBOLO.” Inge mubena kwisamba na nsemi ubena kukeba kuyuka bya kukomesha bulongo baana, chintai pa BIFUNJISHA BAIBOLO > MASONGOLA NE KISEMI.

• Ingijishainga kipungu kya “MABUKU.” Inge mubena kusapwila mukwenu mo mufunjila ku sukulu kabiji mubena kukeba kumupa buloshuwa wa Mikumbu ya Mepuzho 10 Epuzha Banyike, chintai pa MABUKU > MABUKU NE MABULOSHUWA.

• Ingijishainga kipungu kya “BAKAMONYI BA KWA YEHOBA.” Inge mubena kusapwila mukwenu mo mwingijila nkito ubena kukeba kutanga byavula pa byo twaitabilamo, chintai pa BAKAMONYI BA KWA YEHOBA > MEPUZHO EPUZHA BANTU JAVULA PA BAKAMONYI BA KWA YEHOBA.

TAMBAI VIDYO WA KUBA’MBA BYA KWINGIJISHA JW.ORG, APA BINO MWISAMBE BYA KUTAANA BYAMBO BYAKONSHA KUKWASHA BANO BANTU:

• muntu waitabila’mba Lesa ufwako

• muntu wapita mu bya malwa katataka

• mulongo nangwa nyenga wabwela panyuma

• muntu ye mwabwelako waipwizhe pa kufuma mali o twingijisha mu mwingilo wetu

• muntu wafuma ku kyalo kingi ukeba kukatanwa ku kupwila kwetu inge wabwela kwabo