Vuulai Bumuntu bwa Kala, ne Kuvwala Bumuntu Bupya

3:5-14

Nanchi mwapimpwile byubilo byenu byo mwafunjile bukine nyi? Kwa kubula nangwa kuzhinaukatu ne, mwasangajikile bingi Yehoba byo mwaubile bino. (Ezi 33:11) Nangwa byonkabyo, pa kuba’mba byubilo bya kala bibule kubwela, mwafwainwa kutwajijila kwibikako kuvwala bumuntu bupya. Mwafwainwa kwiipuzha mepuzho alondelapo pa kuba’mba muyuke mo mwafwainwa kupimpulako:

• Nanchi ntwajijila kuzhingijila muntu wantamishe nyi?

• Nanchi ntekanya inge napayankana nangwa nakooka nyi?

• Inge milanguluko yatama yaiya, nanchi neikanya bukiji bukiji nyi?

• Nanchi mmwesha misalululo bantu ba bikoba byapusanako nangwa ba mu byalo bikwabo nyi?

• Nanchi katataka naambijilepo muntu byambo byatama nangwa kuzhingila nyi?