Comstock Images/Stockbyte via Getty Images
Bamulwila Ntanda Batemwa bya Mazhikakanwa—Bintu Bikoba Bufumu bwa Lesa
Bantu bakeba kwikala na bantangi ba mukafulumende bobakonsha kuketekela. Bino kechi bebaketekela ne, mambo bantangi bavula batemwa kuba mazhikakanwa. Byo bakebele kebele bishinka mu 2023, bataine’mba bantu bavula kechi baketekela bantangi ba mukafulumende ne.a
Baibolo watongola kafulumende uji na kalama waketekelwa, wa kishinka kabiji ubula kuba mazhikakanwa. A uno kafulumende utelwa’mba Bufumu bwa Lesa kabiji Yesu Kilishitu ye ntangi wa uno kafulumende.—Isaya 9:7.
Yesu wamwesheshe mu byubilo byanji amba wata muchima bantu. (Mateo 9:35, 36) Onkao mambo, byo aji Mfumu wa Bufumu bwa Lesa, Yesu ukachibilanga mambo monka mo aolokela ne kulama mu mutende bantu bonse baswa bukalama bwanji.—Salamo 72:12-14.
a Sawakya wa Ntanda Yonse wa Edelman Trust Barometer wa mu 2023.