Yesu Ukapwisha Nkondo

Yesu byo ajinga pano pa ntanda, wamwesheshe amba watemwa bantu kya kuba wipaine ne kwibafwila. (Mateo 20:28; Yoano 15:13) Katatakatu akamweshe jikwabo amba watemwa bantu. Byo aji Mfumu wa Bufumu bwa Lesa ukengijisha luusa lwanji kupwisha “nkondo pa ntanda ponse.”—Salamo 46:9.

Akyumvwai Baibolo byo alumbulula bintu bikoba Yesu:

• “Aye ukapokolola muyanji ukeba bukwasho, ne mulanda ne yense wabula wa kumukwasha. Ukobila lusa mulanda ne muyanji, kabiji ukapulusha bumi bwa bayanji. Ukebapokolola ku lumanamo ne ku bukapondo.”—Salamo 72:12-14.

Twafwainwa kumwesha byepi kusanta pa bintu byonse bitubila Yesu ne pa byo aketubila kulutwe? Jishinda jimo jo twafwainwa kumwesheshamo kusanta ke kufunda “mambo awama a Bufumu bwa Lesa” Yesu o asapwijilengapo. (Luka 4:43) Tangai kibaaba kya kuba’mba “Bufumu bwa Lesa bo bu ka?”