Yesu Ukapwisha Buyanji

Byo ajinga pano pa ntanda, Yesu watemenwe bingi bantu kikatakata aba bayanjile ne kumanyikwa. (Mateo 9:36) Wapaine ne bumi bwanji kuba’mba bakwabo bamwenemo. (Mateo 20:28; Yoano 15:13) Yesu mfumu wa Bufumu bwa Lesa katatakatu akamweshe byo atemwa bantu byo akengijisha bulume bwanji kupwisha buyanji pano pa ntanda ponse.

Akyumvwai Baibolo byo alumbulula bintu bikoba Yesu:

• “Azhikijile balanda baji mukachi ka bantu, apulushe baana ba bayanji.”—Salamo 72:4.

Twafwainwa kumwesha byepi kusanta pa bintu byonse bitubila Yesu ne pa byo aketubila kulutwe? Jishinda jimo jo twafwainwa kumwesheshamo kusanta ke kufunda “mambo awama a Bufumu bwa Lesa” Yesu o asapwijilengapo. (Luka 4:43) Tangai kibaaba kya kuba’mba “Bufumu bwa Lesa bo bu ka?”