Kukwasha Bakwetu Kukepesha Mukose—Byamba Baibolo

Bantu bavula mwaya ntanda bomvwa mukose kabiji baleka kupwanañana na bakwabo. Bashayuka bamo batala pa butuntulu bwa mubiji bamba’mba kukwasha bakwetu kukepeshako mukose.

• Kipamo kya U.S. National Institutes of Health kyaambile’mba: “Kukwasha bakwetu mu bintu byo bakajilwa kuleta lusekelo mu bwikalo bwetu ne kwitulengela kuleka kwikala kwa bunke.”

Mu Baibolo muji mafunde aamba pa byo twakonsha kukwasha bakwetu. Kulondela ano mafunde kwitukwasha kukepeshako mukose.

Byo mwakonsha kuba

Ikalai bampanyi. Ikalaingapo na kimye kya kwisamba na bakwenu saka muji pa mpunzha imo. Saka mupapo bakwenu bintu byenu. Umvwe mwauba bino, bakemusanchila kabiji bakonsha kwikala balunda nenu.

• Jifunda ja mu Baibolo: “Saka mupana, ne anweba bantu bakemupa.”—Luka 6:38.

Ingijishainga bulume bwenu kukwasha bakwenu. Monaingapo mashinda a kukwashishamo bantu babena kupita mu makatazho. Mu kuba bino mwavwangwa kutelekesha umvwe babena kwamba nangwa kwibobilapo bintu byakonsha kupeezhako bwikalo bwabo.

• Jifunde ja mu Baibolo: “Mulunda wa kine umwesha butemwe kimye kyonse.”—Byambo bya Maana 17:17.

Pa kuba’mba muyukilepo bikwabo pa bya kwikala na bulunda bwawama na bakwetu, tangai kibaaba kya kuba’mba “Balongo ne Balunda.”