-
Bulume bwa Kubwezha Bintu—Yehoba Ubena ‘Kwalula Bintu Byonse ke Bipya’Fwenyai Kwipi ne Yehoba
-
-
3. Luketekelo ka lutekenesha luji mu Byubilo 3:21, kabiji Yehoba ukelufikizha kupichila mu ñanyi jishinda?
3 Byo kisangajikapo kufunda pa bulume bwa Yehoba bwa kubwezha bintu! Byonka byo tusa kumona, kuji bintu bya kukumya Lesa byo akonsha kubwezha kabiji ne byo akabwezhezha baana banji ba panopantanda. Baibolo waamba ne kwamba’mba Yehoba ukeba ‘kubwezha byonse.’ (Byubilo 3:21) Pa kuba’mba a kobe kino, Yehoba ukengijisha Bufumu bwa Bumesiasa, bubena kulamwa na Mwananji, aye Yesu Kilishitu. Kiyukilo kya kumwenako kibena kumwesha’mba buno Bufumu bwatendekele kulama mwiulu mu 1914.a (Mateo 24:3-14) Bi ka bikabwezhiwa? Twayai tumone mingilo imo ikatampe ya Yehoba ya kubwezha bintu. Mwingilo umo wa mu ino mingilo tubena kwimwenaye na meso. Mingilo ikwabo ikobiwa mu kimye kya kulutwe pa kipimo kikatampe.
-
-
Bulume bwa Kubwezha Bintu—Yehoba Ubena ‘Kwalula Bintu Byonse ke Bipya’Fwenyai Kwipi ne Yehoba
-
-
a “Myaka ya kubwezha byonse” yatendekele kimye Bufumu bwa Bumesiasa kyo bwaikajikilwe na nswanyi waswaine Mfumu Davida pa jitanda. Yehoba wamulayile Davida amba nswanyi ukamuswana ukalama myaka ne myaka. (Masalamo 89:35-37) Bino panyuma ya konaunwa kwa Yelusalema ku bena Babilona mu 607 B.C.E., kafwako mwana wafumine mwi Davida waikele pa jitanda ja Lesa ne. Yesu wasemekelwe panopantanda kwikala nswanyi wa Davida, ye waikele ke Mfumu walayiwe kala kene kimye aikajikilwe pa bufumu mwiulu.
-