Lufunjisho 13

Bingelekezha Ne Bulozhi Byatama

Satana ukeba anweba kupanda. Bantu bavula bapana milambo ku bashakulu nangwa ku bapashi kuba’mba bezhikijile ku bya malwa. Boba bino mambo bachina bulume buji na bapashi. Bavwala tumbalaminwe twa bwanga ne makosa. Batoma nangwa kwishinga “michi” yo baketekela’mba iji na ngovu ya bwanga. Bantu bamo bafya bingelekezha mu mazubo abo nangwa kwibizhika panshi ne kuketekela’mba byakonsha kwibavimbila. Bamo bengijisha “bizhimba” mambo baketekela’mba bikebashukisha mu busulu, mu makizamineshonyi ku sukulu, nangwa pa kwibajikila.

Luzhikijilo lwenu lwawamisha lwa kulwisha Satana ke kwikala mulunda ne Yehoba. Yehoba Lesa ne bamalaika banji baji na bulume bwakila bwa kwa Satana ne bademona banji. (Yakoba 2:19; Lumwekesho 12:9) Yehoba uji na kizaku kya kulwilako balunda nanji bamuketekela na michima yabo yonsetu.—2 Byambo bya Moba 16:9.

Kyambo kya kwa Lesa kishimuna’mba: “Kuba ... bya buñanga ne.” Yehoba ukanya bwanga ne bulozhi mambo bino byubilo byakonsha kulengela muntu kulamwa kwi Satana Diabola.—Bena Levi 19:26.