KAKITENGULUZHA MWALUMBULULWA BISHINKA 20A
Kwabanya Kyalo
Mipaka yaesakana yo baabenyenga yalengejile Ezikyo ne Bayudea bakwabo bajinga mu buzha kushiinwa kuba’mba Lesa ukebabwezha mu kyalo kyabo. Ñanyi bintu byo tubena kufunjilako ku kino kimwesho lelo jino? Akilangulukai pa bintu bibiji biji mu kino kimwesho:
Yehoba witupa mpunzha ne mwingilo wanema
Bayudea bonse bafumine mu buzha bebapele mapunzha a buswanyi mu Ntanda ya Mulaye. Byobyo kiji ne mu ano moba. Bapopweshi ba Yehoba bonse baji na mpunzha mu paladisa wetu wa ku mupashi. Nangwa kechi tuji na mingilo yavula mu jibumba ja Lesa ne, bino tuji na mpunzha ne mwingilo wanema mu paladisa wetu wa ku mupashi. Kabiji Yehoba wanemeka bakalume banji bonsetu.
Kwabanya mapunzha aesakana
Mu kimwesho kyamwene Ezikyo, mapunzha onse ajinga mu Ntanda ya Mulaye alengejile bangikazhi kumwenamo bingi mu kyalo kyabo. Kyo kimotu ne mu ano moba, Yehoba upesha bakalume banji bonse baji mu paladisa wa ku mupashi.