Sam

44 E Gɔd, wi dɔn yɛri wit wi yon yes dɛn,

Wi gret gret granpa dɛn dɔn tɛl wi,

Di tin dɛn we yu bin du insay dɛn yon tɛm,

Di tin dɛn we yu bin du trade trade.

 2 Yu yuz yu an fɔ drɛb neshɔn dɛn

Ɛn mek wi gret gret granpa dɛn de de.

 3 Wi gret gret granpa dɛn nɔ bin gɛt di land bikɔs ɔf dɛn yon sɔd,

Ɛn dɛn yon an nɔ bin mek dɛn win.

Bɔt na yu raytan, yu trɛnk, ɛn di layt na yu fes mek dɛn win,

Bikɔs yu bin lɛk dɛn.

 4 E Gɔd, yu na mi Kiŋ;

Mek lɛ Jekɔp win fayn fayn wan.

 5 Wi go drɛb wi ɛnimi dɛn bikɔs ɔf yu pawa;

Na yu nem wi go yuz fɔ mas mas di wan dɛn we go kam agens wi.

 6 A nɔ abop pan mi bo,

Ɛn mi sɔd nɔ ebul sev mi.

 7 Na yu bin sev wi frɔm wi ɛnimi dɛn,

Na yu bin mek di wan dɛn we et wi disgres.

 8 Wi go prez Gɔd ol de,

Ɛn wi go prez in nem sote go. (Sila)

 9 Bɔt naw yu dɔn drɛb wi ɛn disgres wi,

Ɛn yu nɔ de go wit wi sojaman dɛn we dɛn de go fɛt.

10 Yu kɔntinyu fɔ mek wi rɔnawe pan wi ɛnimi;

Di wan dɛn we et wi de tek ɛnitin we dɛn want.

11 Yu dɔn an ova wi to wi ɛnimi dɛn fɔ lɛ dɛn kil wi lɛk ship;

Yu dɔn skata wi ɔlsay na di wɔl.

12 Yu sɛl yu pipul dɛn fɔ chip chip prayz;

Yu nɔ mek no prɔfit we yu sɛl dɛn.

13 Yu dɔn mek wi shem pan wi neba dɛn,

Ɔl di wan dɛn we de arawnd wi de provok wi ɛn laf wi.

14 Yu dɔn mek di neshɔn dɛn de fityay wi,

Pipul dɛn de shek dɛn ed pan wi.

15 Ol de a de shem,

Ɛn a nɔ ebul fɔ es mi ed bikɔs ɔf shem,

16 Bikɔs ɔf di sawnd we dɛn de mek we dɛn de provok wi ɛn fityay wi,

Bikɔs wi ɛnimi dɛn de tɔn-am-gi.

17 Ɔl dis dɔn apin to wi, bɔt wi nɔ fɔgɛt yu,

Ɛn wi nɔ pwɛl yu agrimɛnt.

18 Wi at stil de to yu

Wi nɔ lɛf fɔ waka na yu rod.

19 Bɔt yu dɔn dɔnawe wit wi usay jakal* dɛn de;

Yu dɔn mek wi at rili pwɛl.

20 If wi dɔn fɔgɛt wi Gɔd in nem

Ɔ if wi dɔn opin wi an fɔ pre to ɔda gɔd,

21 Fɔ se Gɔd nɔ go no?

22 Dɛn de kil wi ol de fɔ yu sek,

Dɛn de kɔnt wi lɛk ship dɛn we dɛn fɔ kil.

25 Dɛn dɔn ib wi na grɔn;

Wi bɔdi dɛn ledɔm flat na grɔn.