Julay 28–Ɔgɔst 3
Layf ɛn Prichin Wok Mitin Buk—2025 | Julay

JULAY 28–ƆGƆST 3

PRƆVABS 24

Siŋ 38 ɛn Prea | Smɔl Tɔk fɔ Stat di Mitin (1 min.)

DI VALYU TIN DƐN FRƆM GƆD IN WƆD

1. Rɛdi Yusɛf fɔ di Tɛm we Prɔblɛm dɛn Go Kam

(10 min.)

Kɔntinyu fɔ lan ɛn gɛt mɔ sɛns (Prɔ 24:5; it-2 pej 610, par. 8)

We yu at pwɛl, kɔntinyu fɔ pre, rid di Baybul ɛnide, ɛn fɔ de atɛnd di mitin dɛn ɔltɛm (Prɔ 24:10; w09 12/15 pej 18, par. 12 ɛn par. 13)

Strɔng fet ɛn lɔv go mek Jiova ɛp wi fɔ gɛt trɛnk bak afta wi gɛt prɔblɛm dɛn (Prɔ 24:16; w20.12 pej 15)

Wan sista we sik siriɔs wan gladi fɔ prich wit in padi frɔm os to os. I de sho sɔntin na in tablɛt to wan uman we tinap na in domɔt.

2. Luk Gud Wan fɔ di Valyu Tin dɛn na Gɔd in Wɔd

(10 min.)

  • Prɔ 24:27​—Wetin dis prɔvab de tich wi? (w09 10/15 pej 12)

  • We yu bin de du yu Baybul ridin fɔ dis wik, us valyu tin dɛn yu fɛn we yu go lɛk fɔ tɔk bɔt?

3. Baybul Ridin

(4 min.) Prɔ 24:​1-20 (th stɔdi 11)

DU WETIN YU DƆN LAN WE YU DE PRICH

4. We Yu De Stat fɔ Tɔk

(2 min.) PRICH ƐNITƐM APAT FRƆM OS TO OS. Una dɔn fɔ tɔk bifo yu prich to di pɔsin. (lmd lɛsin 2 pɔynt 4)

5. We Yu De Stat fɔ Tɔk

(3 min.) OS TO OS. (lmd lɛsin 3 pɔynt 4)

6. We Yu De Stat fɔ Tɔk

(3 min.) PƆBLIK WITNƐSIN. Tɛl di pɔsin bɔt di arenjmɛnt we wi gɛt fɔ stɔdi di Baybul wit pipul dɛn ɛn gi am wan Baybul stɔdi kɔntakt kad. (lmd lɛsin 4 pɔynt 3)

7. Tɔk

(3 min.) lmd apɛndiks A pɔynt 11​—Tim: Gɔd De Tɔk wit Wi. (th stɔdi 6)

LIV YU LAYF LƐK KRISTIAN

Siŋ 99

8. Wi fɔ Ɛp Wisɛf di Tɛm we Tin Nɔ Izi

(15 min.) Dis na pat we yu ɛn di ɔdiɛns fɔ tɔk bɔt.

Wantɛm wantɛm sik we de prɛd go de, nachɔral dizasta kin apin, pipul dɛn de protɛst agens di gɔvmɛnt, wɔ, ɔ pipul dɛn we de agens wi go mek wi sɔfa. We dɛn kayn prɔblɛm dɛn ya apin, wi brɔda ɛn sista dɛn kin kam togɛda fɔ ɛp ɛn ɛnkɔrej dɛnsɛf. Bɔt, pan ɔl we di prɔblɛm nɔ go apin to wi, wi stil de fil am fɔ wi brɔda ɛn sista dɛn ɛn wi kin tray wi bɛst fɔ ɛp dɛn.​—1 Kɔ 12:25, 26.

Pikchɔ dɛn: Brɔda ɛn sista dɛn de ɛp dɛn kɔmpin Kristian dɛn difrɛn we dɛn. 1. Brɔda ɛn sista dɛn de bil wan Kiŋdɔm Ɔl bak we nachɔral dizasta dɔn pwɛl. 2. Brɔda ɛn sista dɛn de gladi fɔ wɛlkɔm wan mama ɛn in galpikin we nɔ gɛt say fɔ de. 3. Wan sista de put mɔni na di kɔntribyushɔn bɔks na Kiŋdɔm Ɔl. 4. Brɔda ɛn sista dɛn de gi dɛn kɔmpin Kristian dɛn we nɔ gɛt say fɔ de tin dɛn we dɛn nid na Kiŋdɔm Ɔl. 5. Brɔda ɛn sista dɛn de ɛp fɔ gi bɔtul wata. 6. Wan brɔda de pre.

Rid 1 Kiŋ 13:6 ɛn Jems 5:16b. Dɔn aks di ɔdiɛns:

  • Wetin mek di pre we Gɔd in savant dɛn de pre fɔ ɔda pipul dɛn rili pawaful?

Rid Mak 12:42-44 ɛn 2 Kɔrintians 8:1-4. Dɔn aks di ɔdiɛns:

  • Wetin mek wi fɔ stil kɔntribyut ilɛksɛf wi nɔ gɛt bɛtɛ mɔni ɛn na smɔl mɔni wi ebul fɔ kɔntribyut fɔ di wok we dɛn de du ɔlsay na di wɔl fɔ ɛp wi brɔda ɛn sista dɛn we tin nɔ izi fɔ?

Ple di VIDIO Ɛnkɔrej di Brɔda dɛn We De Ɔnda Ban. Dɔn aks di ɔdiɛns dɛn kwɛstyɔn dɛn ya:

  • Us fayn sakrifays dɛn wi brɔda dɛn bin mek fɔ ɛp dɛn kɔmpin Kristian we dɛn bin ban wi wok na Istɛn Yurop?

  • We dɛn bin ban di wok, aw di brɔda dɛn bin obe di kɔmand fɔ mit togɛda ɛn ɛnkɔrej dɛnsɛf?​—Ibr 10:​24, 25

9. Kɔngrigeshɔn Baybul Stɔdi

(30 min.) lfb lɛsin 4 ɛn 5

Smɔl Tɔk fɔ Dɔn di Mitin (3 min.) | Siŋ 112 ɛn Prea

Di Atikul dɛn we De Insay Dis Magazin
Di Wachtawa (Stɔdi)—2025 | Me

Stɔdi Atikul 21: Julay 28, 2025–Ɔgɔst 3, 2025

14 Wet fɔ di Siti we Go Kɔntinyu fɔ De