Sam
To di wan we de dayrɛkt. Korah in bɔypikin dɛn siŋ.
47 Lɛ ɔlman klap in an.
Prez Gɔd ɛn ala wit gladi-at.
2 Fred ɛn rɛspɛkt Jiova we na di Wan We De Pantap Ɔlman;
In na di gret Kiŋ na di wan ol wɔl.
3 I de mek pipul dɛn de ɔnda wi;
I de put neshɔn dɛn ɔnda wi fut.
4 I de pik wi prɔpati fɔ wi
We na Jekɔp in glori we i lɛk. (Sila)
5 Gɔd dɔn go ɔp we pipul dɛn de ala wit gladi-at;
Jiova dɔn go ɔp we pipul dɛn de blo di ɔn.*
6 Siŋ prez to* Gɔd, siŋ prez.
Una siŋ prez to wi Kiŋ, siŋ prez.
7 Gɔd na di Kiŋ fɔ di wan ol wɔl;
Una siŋ prez ɛn sho se una gɛt sɛns.
8 Gɔd dɔn bi Kiŋ na di neshɔn dɛn.
Gɔd sidɔm na in oli tron.
9 Di pipul dɛn lida dɛn dɔn gɛda togɛda
Wit Ebraam in Gɔd in pipul dɛn.
Na Gɔd gɛt di rula dɛn na di wɔl.
Naw na in de rul ɔlman.