Sam

132 E Jiova, mɛmba Devid

Ɛn ɔl di sɔfa we i dɔn sɔfa;

 2 Jiova, mɛmba se i bin swɛ to yu,

Yu na Jekɔp in Pawaful Gɔd. Devid swɛ to yu se:

A nɔ go ledɔm na mi ledɔm ples, we na mi bed;

 4 A nɔ go gri fɔ slip,

Ɛn a nɔ go sɛt mi yay

 5 Sote a fɛn ples fɔ Jiova,

Fayn ples* we Jekɔp in Pawaful Gɔd go de.”

 6 Luk! Wi dɔn yɛri bɔt am na Ɛfrata;

Wi dɔn si am na di fɔrɛst.

 7 Lɛ wi go usay i de;*

Lɛ wi butu na di say usay i de put in fut.

 8 E Jiova, duya grap kam na di say we yu de rɛst,

Yu ɛn di Agrimɛnt Bɔks we de sho se yu gɛt pawa.

 9 Lɛ di we aw yu prist dɛn de du wetin rayt tan lɛk klos,

Ɛn lɛ di wan dɛn we nɔ de kɔmɔt biɛn yu ala wit gladi-at.

10 Nɔ tɔn yu bak pan di wan we yu dɔn anɔynt,

Bikɔs ɔf Devid we na yu savant.

11 Jiova dɔn swɛ to Devid;

I go mɔs du wetin i prɔmis we i se:

12 If yu pikin dɛn kip mi agrimɛnt

Ɛn di tin dɛn we a de mɛmba dɛn,

Dɛn pikin dɛn bak go sidɔm na yu tron sote go.”

13 Jiova dɔn pik Zayɔn;

I want am fɔ bi di say we i go de:

14 “Na ya a go rɛst sote go;

Na ya a go de bikɔs na dat a want.

15 A go blɛs am wit di tin dɛn we i nid;

A go satisfay di wan dɛn we po wit tin fɔ it.

16 A go sev in prist dɛn,

Ɛn di wan dɛn we nɔ de kɔmɔt biɛn am go ala wit gladi-at.

18 A go mek in ɛnimi dɛn shem pasmak,

Bɔt di krawn we de na in ed go shayn.”