Sam
Di Wan dɛn We De Go Ɔp na di Siti, Dɛn Siŋ. Devid in Siŋ.
122 A kin gladi we dɛn de tɛl mi se:
“Lɛ wi go na Jiova in os.”
2 E Jerusɛlɛm,
Naw, wi tinap na yu get.
3 Dɛn bil Jerusɛlɛm lɛk siti
We jɔyn togɛda as wan.
4 Di trayb dɛn dɔn go ɔp na Jerusɛlɛm,
Ja* in trayb dɛn,
Akɔdin to di tin dɛn we dɛn bin dɔn mɛmba di Izrɛlayt dɛn,
Fɔ prez Jiova in nem.
5 Dɛn mek tron dɛn de fɔ jɔj;
Tron dɛn na Devid in os.
6 Pre fɔ lɛ Jerusɛlɛm gɛt pis.
Di wan dɛn we lɛk yu go de sef wan, E siti.
7 Lɛ pis kɔntinyu fɔ de na yu strɔng wɔl dɛn,
Lɛ pipul dɛn de sef wan na yu strɔng tawa dɛn.
8 A go tɔk se: “Lɛ yu gɛt pis”
Bikɔs ɔf mi brɔda dɛn ɛn mi kɔmpin dɛn.
9 A go pre fɔ gud tin dɛn fɔ yu
Bikɔs ɔf Jiova, we na wi Gɔd, in os.