Sam
Di Wan dɛn We De Go Ɔp na di Siti, Dɛn Siŋ.*
120 A kɔl Jiova di tɛm we a gɛt trɔbul,
Ɛn i ansa mi.
2 E Jiova, sev mi frɔm di wan dɛn we de lay
Ɛn frɔm di wan dɛn we de ful pɔsin.
3 Wetin Gɔd go du to yu, ɛn aw i go pɔnish yu,*
Yu we de ful pipul dɛn?
4 I go pɔnish yu wit shap aro dɛn we fɛtman kin yuz
Ɛn wit wan stik we de na dɛzat in fayakol.
5 Tin bad fɔ mi, bikɔs a dɔn liv as fɔrina na Mishɛk!
A dɔn de liv na di tɛnt dɛn na Kida.
6 A dɔn de liv fɔ lɔng tɛm
Wit di wan dɛn we et pis.
7 A de fɔ pis, bɔt we a tɔk,
Dɛn rɛdi fɔ fɛt mi.