Sam

8 E Jiova wi Masta, yu nem rili gret na di wan ol wɔl;

Yu dɔn mek yu glori ay pas ɛvin!

 2 Yu dɔn yuz pikin dɛn ɛn yɔŋbebi dɛn fɔ sho yu trɛnk

So dat yu ɛnimi we wikɛd

Ɛn we de agens yu, nɔ go ebul tɔk ɛnitin.

 3 We a luk di skay, di tin dɛn we yu mek wit yu an,

Di mun ɛn di sta dɛn we yu dɔn mek,

 4 Udat na mɔtalman we yu de mɛmba am,

Ɛn udat na mɔtalman pikin we yu de kia fɔ am?

 5 Yu mek di enjɛl dɛn pas am smɔl,

Ɛn yu gi mɔtalman glori ɛn ɔnɔ.

 6 Yu dɔn gi am pawa oba di tin dɛn we yu mek wit yu an;

Yu dɔn put ɔltin ɔnda in fut:

 7 Ɔl di ship, got ɛn kaw dɛn,

Ɛn di wayl animal dɛn,*

 8 Di bɔd dɛn we de flay na di skay, di fish dɛn na di si,

Ɛn ɛnitin we de muv na di si.