Sam
To di wan we de dayrɛkt; di myuzik we nem “Di Lili we Na Witnɛs.” Miktam.* Devid in siŋ. Fɔ tich. We i bin fɛt Eram-naareim ɛn Eram-Zoba, ɛn Joab bin go bak ɛn kil 12,000 Idɔmayt dɛn na di Sɔl Vali.
60 E Gɔd, yu bin dɔn lɛf wi; yu bin dɔn skata wi.
Yu bin vɛks pan wi; bɔt naw tek wi bak!
2 Yu mek di wɔl shek; yu mek i plit.
Mek di say dɛn we dɔn pwɛl, bikɔs dɛn de fɔdɔm.
3 Yu dɔn mek yu pipul dɛn sɔfa.
Yu dɔn mek wi drink wayn we de mek wi staga.
4 Gi* sayn to di wan dɛn we de fred yu
Fɔ lɛ dɛn rɔnawe ɛn balans di bo, (Sila)
5 So dat di wan dɛn we yu lɛk go sev.
Duya, sev wi wit yu raytan ɛn ansa wi.
6 Di oli Gɔd dɔn tɔk se:*
“A go gladi we a de giwe Shikɛm as prɔpati,
Ɛn a go mɛzhɔ di Vali* we de na Sɔkɔt to ɛnibɔdi we a want fɔ gi.
8 Moab na di bol we a de was insay.
A de trowe mi sandal oba Idɔm.
A go gladi we a de ala bikɔs a go win Filistia.”
9 Udat go kɛr mi go na di siti we dɛn dɔn sɔrawnd?*
Udat go lid mi te go na Idɔm?
10 E Gɔd, nɔto yu we dɔn lɛf wi,
Wi Gɔd, we nɔ de go wit wi ami dɛn igen?
11 Ɛp wi we wi gɛt prɔblɛm,
Bikɔs mɔtalman nɔ ebul sev wi.
12 Gɔd go gi wi pawa,
Ɛn i go mas mas wi ɛnimi dɛn.