Sam
To di wan we de dayrɛkt. Di myuzik we nem “Nɔ Dɔnawe wit Mi.” Esaf in siŋ.
75 Wi de tɛl yu tɛnki, E Gɔd, wi de tɛl yu tɛnki;
Yu de nia wi,*
Ɛn pipul dɛn de tɔk bɔt di wɔndaful tin dɛn we yu de du.
2 Yu se: “We a pik tɛm,
A de jɔj fia wan.
3 We di wɔl ɛn ɔl di pipul dɛn we de de bin de trimbul,*
Na mi mek in pila dɛn tinap tranga wan.” (Sila)
4 A de tɛl di wan we de bost se: “Nɔ bost,”
Ɛn a de tɛl di wan we wikɛd se:
“Nɔ bost se yu gɛt trɛnk.*
5 Nɔ bost se yu gɛt trɛnk
Ɔ tɔk prawd we.
6 Bikɔs ɔnɔ nɔ de kɔmɔt na di ist, wɛst, ɔ sawt.
7 Gɔd na jɔj.
I de put wan pɔsin dɔŋ ɛn es ɔda pɔsin ɔp.
8 Wan kɔp de na Jiova in an;
Di wayn de frɔsh ɛn i miks fayn.
I go mɔs tɔn am,
Ɛn ɔl di wan dɛn we wikɛd na di wɔl go drink am,
Dɛn go ivin drink di wan we sɛtul ɔnda.”
9 Bɔt as fɔ mi, a go tɔk bɔt am sote go;
A go siŋ fɔ prez* Jekɔp in Gɔd.
10 I tɔk se: “A go mek di wan we wikɛd
Nɔ gɛt wan trɛnk igen,
Bɔt a go mek dɛn si se
Di wan we de du wetin rayt gɛt trɛnk.”