Prɔvabs
29 Pɔsin we de mek stɔbɔn* afta dɛn dɔn kɔrɛkt am bɔku tɛm,
I nɔ go te dɛn go dɔnawe wit am kpatakpata.
2 We di wan dɛn we de du wetin rayt bɔku, di pipul dɛn de gladi,
Bɔt we pɔsin we wikɛd de rul, di pipul dɛn de pini.
3 Pɔsin we lɛk sɛns de mek in papa gladi,
Bɔt di wan we de kip kɔmpin wit raregal dɛn de west in jɛntri.
4 Kiŋ de yuz jɔstis fɔ mek in kiŋdɔm kɔntinyu fɔ de,
Bɔt pɔsin we de tek brayb de mek i pwɛl.
5 Pɔsin we de tɔk tin dɛn fɔ mek in neba in ed big,
De prɛd nɛt ɔnda in fut.
6 Di bad tin we pɔsin de du go tan lɛk trap fɔ am,
Bɔt di wan we de du wetin rayt go ala lawd wan wit gladi-at.
7 Di wan we de du wetin rayt bisin bɔt poman in rayt,
Bɔt pɔsin we wikɛd nɔ bisin bɔt dat.
8 Di wan dɛn we de bost de sɛtfaya wan ol tɔŋ,
Bɔt di wan dɛn we gɛt sɛns de mek ɔda pipul dɛn nɔ vɛks.
9 We pɔsin we gɛt sɛns de agyu wit fulman,
Na ala-ala ɛn provok go de, ɛn di sɛnsman nɔ go gɛt wan bloblo.
11 Pɔsin we ful de sho in wamat,
Bɔt pɔsin we gɛt sɛns de kɔntrol in wamat.
12 We pɔsin we de rul pe atɛnshɔn to lay lay tin dɛn,
Ɔl in savant dɛn go wikɛd.
13 Wan tin bɔt poman ɛn di wan we de sɔprɛs pipul dɛn na dat:
Na Jiova de mek dɛn yay si layt.*
14 We kiŋ jɔj di po wan dɛn fia wan,
In tron go tinap tranga wan sote go.
16 We di wikɛd wan dɛn bɔku, bad de bɔku,
Bɔt di wan dɛn we de du wetin rayt go si we dɛn de dɔnawe wit dɛn.
17 Kɔrɛkt yu pikin, ɛn i go mek yu gɛt bloblo;
I go mek yu* gladi pasmak.
18 We vishɔn nɔ de, di pipul dɛn nɔ de tek kɔntrol,
Bɔt di wan dɛn we de obe lɔ go gladi.
19 Savant nɔ de tek kɔrɛkshɔn frɔm di tin dɛn we dɛn de tɛl am,
Pan ɔl we i de ɔndastand, i nɔ de obe.
20 Yu dɔn si pɔsin we nɔ de tink bifo i tɔk?
Fulman gɛt mɔ op pas am.
21 If yu dɔn yus fɔ pwɛl yu savant frɔm we i smɔl,
Leta, i nɔ go gɛt tɛnki.
22 Pɔsin we kwik fɔ vɛks de briŋ kam prɔblɛm;
Ɛnibɔdi we gɛt wamat de du bɔku bad tin dɛn.
23 Di prawd we pɔsin prawd go mek i fɔdɔm,
Bɔt ɛnibɔdi we put insɛf dɔŋ go gɛt glori.
24 Pɔsin we de ɛp tifman et insɛf.
Dɛn go kɔl am fɔ go gi witnɛs, bɔt i nɔ go tɔk natin.
25 Fɔ fred mɔtalman tan lɛk trap,
Bɔt Jiova de protɛkt di wan we de abop pan am.
26 Bɔku pipul dɛn go go to rula fɔ lɛ i ɛp dɛn,
Bɔt na Jiova de mek pɔsin gɛt jɔstis.
27 Pɔsin we de du wetin rayt et di wan we nɔ de du tin fia wan,
Bɔt wikɛd pɔsin et di wan we de du tin tret.