Sam
To di wan we de dayrɛkt. Devid in siŋ.
14 Di wan dɛn we fulish* de tɔk na dɛn at se:
“Jiova nɔ de.”
Dɛn de du kɔrɔpt tin dɛn, ɛn na bad bad tin dɛn, dɛn de du;
Nɔbɔdi nɔ de du wetin gud.
2 Bɔt Jiova de luk mɔtalman dɛn frɔm ɛvin
Fɔ si if ɛniwan pan dɛn gɛt sɛns; fɔ si if ɛniwan pan dɛn de luk fɔ Jiova.
3 Dɛn ɔl dɔn kɔmɔt na di rayt rod;
Dɛn ɔl kɔrɔpt.
Nɔbɔdi nɔ de du wetin gud,
Wan pan dɛn sɛf nɔ de.
4 Fɔ se nɔn pan di wan dɛn we de du bad nɔ ɔndastand?
Dɛn de sɔprɛs Gɔd in pipul dɛn izi wan lɛk se na bred dɛn de it.
Dɛn nɔ de pre to Jiova.
5 Bɔt dɛn go fred bad bad wan,
Bikɔs Jiova de wit di wan dɛn we de du wetin rayt dɛn jɛnɛreshɔn.
6 Una we de du bad de tray fɔ pwɛl
Di wan we pipul dɛn nɔ tek mek natin in plan dɛn,
Bɔt na Jiova de protɛkt am.
7 Lɛ di Wan we de sev Izrɛl kɔmɔt frɔm Zayɔn!
Lɛ Jekɔp gɛt gladi-at, ɛn lɛ Izrɛl gladi
Di tɛm we Jiova go gɛda bak in pipul dɛn we dɛn bin dɔn kapchɔ.