Job

37 “Dis kin mek mi at bit fast fast

Ɛn jomp kɔmɔt na in ples.

 2 Tek tɛm lisin to di sawnd we in vɔys de mek

Ɛn di tɛnda we de kɔmɔt na in mɔt.

 3 I de mek tɛnda krak ɔlsay na di skay,

Ɛn i sɛn in laytin ɔlsay na di wɔl.

 4 Afta dat, i de mek lawd lawd sawnd;

Gɔd in vɔys tan lɛk tɛnda,

Ɛn di laytin kin kɔntinyu fɔ flash we i de tɔk.

 5 We Gɔd tɔk lawd wan lɛk tɛnda, in vɔys rili wɔndaful;

I de du pawaful tin dɛn we wi nɔ ebul fɔ ɔndastand.

 7 Gɔd de stɔp ɔl wetin mɔtalman de du

So dat ɔlman go no In wok.

 8 Wayl animal dɛn de go insay dɛn ol,

Ɛn dɛn nɔ de kɔmɔt na di say usay dɛn de.

 9 Big big briz de kɔmɔt frɔm usay i de,

Ɛn kol de kɔmɔt frɔm di briz we de kɔmɔt frɔm di nɔt.

10 Na Gɔd in bloblo de mek ays,

Ɛn big wata dɛn de tɔn aysblɔk.

11 I de mek di klawd dɛn ɛvi wit wata;

I de skata in laytin na di klawd;

12 Dɛn de tɔn tɔn na di say usay i dayrɛkt dɛn;

Dɛn de du wetin i kɔmand dɛn fɔ du na di wɔl.

13 I de yuz di klawd fɔ briŋ pɔnishmɛnt fɔ mek ren kam na di wɔl

Ɔ fɔ sho in lɔv we nɔ de chenj.

14 Job, lisin to dis;

Stɔp ɛn tek tɛm tink bɔt Gɔd in wɔndaful wok dɛn.

15 Fɔ se yu no aw Gɔd de kɔntrol* di klawd dɛn

Ɛn aw i de mek laytin de flash kɔmɔt frɔm in klawd?

17 Wetin mek yu klos wam

We di wɔl nɔ de muv bikɔs ɔf di briz we de kɔmɔt na di sawt?

18 Yu tink se yu ɛn in go prɛd di skay

Fɔ lɛ i strɔng lɛk mɛtal glas?

19 Tɛl wi wetin wi fɔ tɛl am;

Wi nɔ ebul ansa bikɔs bɔku tin dɛn de we wi nɔ ɔndastand.

21 Dɛn nɔ de ivin si di layt,*

Pan ɔl we i brayt na di skay,

Pas briz blo ɛn klia di klawd.

22 Layt we tan lɛk gold de kɔmɔt na di nɔt;

Di ɔnɔ we Gɔd gɛt fit fɔ lɛ pipul dɛn fred ɛn rɛspɛkt am.

23 Wi nɔ go ɛva ebul fɔ ɔndastand di Ɔlmayti;

I gɛt pawa pasmak,

I nɔ de ɛva lɛf fɔ du tin fia wan ɛn fɔ du wetin rayt ɔltɛm.