Sam
Devid in siŋ.
143 E Jiova, lisin to mi prea;
Lisin to di beg we a de beg fɔ ɛp.
Ansa mi bikɔs yu fetful, ɛn yu de du wetin rayt.
2 Nɔ jɔj yu savant,
Bikɔs nɔbɔdi nɔ de alayv we de du wetin rayt bifo yu.
3 Mi ɛnimi de rɔnafta mi;
I dɔn sɔprɛs mi, ɛn i dɔn win mi.
I dɔn mek a de na daknɛs lɛk di wan dɛn we bin dɔn day trade trade.
4 A nɔ gɛt bɛtɛ trɛnk igen;
Mi at pwɛl.
6 A opin mi an dɛn to yu;
A de wet fɔ yu lɛk dray land we de wet fɔ ren. (Sila)
7 E Jiova, duya ansa mi kwik kwik wan;
Mi trɛnk dɔn dɔn.
Nɔ ayd yu fes pan mi,
If nɔto dat, a go tan lɛk di wan dɛn we de go dɔŋ na di ol.*
8 Mek lɛ a yɛri bɔt yu lɔv we nɔ de chenj na mɔnin,
Bikɔs na yu a abop pan.
Mek lɛ a no usay a fɔ waka,
Bikɔs na yu a kin tɔn to.
9 E Jiova, sev mi frɔm mi ɛnimi dɛn.
Na yu a go to fɔ protɛkt mi.
10 Tich mi fɔ du wetin yu want,
Bikɔs yu na mi Gɔd.
Yu spirit gud;
Mek lɛ i kɛr mi go na grɔn we lɛvul.*
11 E Jiova, mek lɛ a kɔntinyu fɔ liv bikɔs ɔf yu nem.
Sev mi frɔm trɔbul bikɔs yu de du wetin rayt.
12 Mek lɛ mi ɛnimi dɛn nɔ de igen
Bikɔs ɔf yu lɔv we nɔ de chenj;
Dɔnawe wit ɔl di wan dɛn we de sɔprɛs mi,
Bikɔs mi na yu savant.