Sam

I gud fɔ lɛ wi siŋ fɔ prez* wi Gɔd;

I fayn fɔ lɛ wi prez am, ɛn i fit fɔ gɛt di prez!

 2 Jiova de bil Jerusɛlɛm;

I de gɛda di Izrɛlayt dɛn we dɔn skata.

 3 I de mɛn di wan dɛn we dɛn at pwɛl;

I de bandej dɛn wund dɛn.

 4 I de kɔnt di sta dɛn;

I de kɔl dɛn ɔl bay dɛn nem.

 5 Wi Masta gret, ɛn i pawaful pasmak;

Wi nɔ ebul imajin di tin dɛn we i ɔndastand.

 6 Jiova de es di wan dɛn we ɔmbul,

Bɔt i de ib di wikɛd wan dɛn na grɔn.

 7 Siŋ fɔ tɛl Jiova tɛnki;

Yuz ap fɔ siŋ fɔ prez wi Gɔd,

 8 Di Wan we de kɔva di skay wit klawd,

Di Wan we de mek ren kam na di wɔl,

Di Wan we de mek gras gro na di mawntin dɛn.

 9 I de gi animal dɛn tin fɔ it,

Ɛn i de gi it to yɔŋ revin dɛn we de beg am fɔ tin fɔ it.

10 I nɔ de gladi fɔ di pawa we ɔs gɛt;

I nɔ de kɔle di strɔng lɛg dɛn we pɔsin gɛt.

11 Jiova de gladi fɔ di wan dɛn we de fred am,

Ɛn di wan dɛn we de wet fɔ in lɔv we nɔ de chenj.

13 I de mek di ba dɛn na di siti strɔng;

I de blɛs yu bɔypikin dɛn.

14 I de mek pis de na yu land;

I de yuz wit* we fayn pas ɔl fɔ satisfay yu.

15 I de kɔmand di wɔl;

In wɔd de go lɛk savant we de rɔn wit spid.

16 I de sɛn sno lɛk se na wul;

I de skata ays lɛk se na ashis.

19 I tɛl Jekɔp in wɔd;

I tɛl Izrɛl in lɔ dɛn ɛn di tin dɛn we i dɔn disayd.

20 I nɔ wande du dat to ɛni ɔda neshɔn;

Dɛn nɔ no natin bɔt di tin dɛn we i dɔn disayd.