Sam

1 Di pɔsin we nɔ de fala wikɛd pɔsin in advays, gɛt gladi-at.

I nɔ de tinap usay sina dɛn de tinap,

Ɛn i nɔ de sidɔm wit di wan dɛn we de provok.

 2 Bɔt i rili lɛk Jiova in lɔ,

Ɛn i de rid In lɔ de ɛn nɛt ɛn tek tɛm tink gud gud wan bɔt am.*

 3 I go tan lɛk stik we dɛn plant usay watasay dɛn de;

Lɛk stik we de bia frut we in tɛm rich.

In lif dɛn nɔ de wida

 4 Di wikɛd wan dɛn nɔ tan lɛk dat;

Dɛn tan lɛk chafchaf we briz de kɛr go.

 5 Na dat mek di wikɛd wan nɔ go ɛskep pɔnishmɛnt,

Ɛn sina dɛn nɔ go kɔntinyu fɔ tinap usay di wan dɛn we de du wetin rayt de.

 6 Jiova de si wetin di wan dɛn we de du wetin rayt de du,

Bɔt i go dɔnawe wit wetin di wikɛd wan dɛn de du.