Udat Na Jiova Witnɛs Dɛn?

Ɔmɔs Jiova Witnɛs dɛn yu sabi? Sɔntɛm sɔm pan wi na yu neba, wi de wok na di sem ples, wi de go di sem skul, ɔ wi go dɔn tɔk bɔt di Baybul to yu. Udat na wi, ɛn wetin mek wi kin prich to pipul dɛn?

Wi na ɔdinari pipul dɛn. Wi ɔl kɔmɔt na difrɛn difrɛn say dɛn ɛn wi lan difrɛn difrɛn wok dɛn. Sɔm pan wi bin de na difrɛn rilijɔn ɛn sɔm nɔ bin ivin biliv Gɔd. Bifo wi bi Jiova Witnɛs, wi tray fɔ si if wetin wi de lan na di Baybul na tru. (Di Apɔsul Dɛn Wok [Akt] 17:11) Wi biliv di tin dɛn we wi de lan, ɛn wi mekɔp wi maynd fɔ bigin wɔship Jiova Gɔd.

Wi de bɛnifit we wi de stɔdi di Baybul. Lɛk ɛni ɔda mɔtalman, wisɛf gɛt wi yon prɔblɛm dɛn ɛn wi kin mek mistek. Bɔt bikɔs wi de tray fɔ du wetin di Baybul se, wi de si se wi layf de bɛtɛ. (Sam 128:1, 2) Na dat mek wi kin tɛl ɔda pipul dɛn bɔt di gud tin dɛn we wi de lan na di Baybul.

Wi de liv wi layf di we aw Gɔd want. Dɛn we ya de insay di Baybul. Dɛn de ɛp wi fɔ gɛt gladi at, ɛn dɛn de mek wi rɛspɛkt ɔda pipul dɛn. Di tin dɛn we de na di Baybul de ɛp wi fɔ du gud tin dɛn. Dɛn de mek wi nɔ de tif ɛn lay. Ɛn dɛn de ɛp pipul dɛn fɔ liv dɛn layf di rayt we. Dɛn de mek wanwɔd de na di famili. Wi no se “Gɔd nɔ de luk ɛnibɔdi bɛtɛ pas in kɔmpin” na dat mek wi gɛt brɔda ɛn sista dɛn ɔlsay na di wɔl we biliv di sem tin. Wi nɔ de wach pɔsin in kɔlɔ ɔ tek wan kɔntri impɔtant pas ɔda kɔntri. Pan ɔl we wi na ɔdinari pipul dɛn, wi spɛshal.—Di Apɔsul Dɛn Wok [Akt] 4:13; 10:34, 35.

• Aw Jiova Witnɛs dɛn tan lɛk ɔda pipul dɛn?

• Wetin na di tin dɛn we Jiova Witnɛs dɛn dɔn lan na di Baybul?