STƆDI 18

Tich Sɔntin we Go Bɛnifit Pipul Dɛn

Fɔs Lɛta Fɔ Kɔrint 9:19-23

WETIN FƆ DU: Tɔk sɔntin we go mek di pipul dɛn tink bɔt di tɔpik so dat we yu dɔn fɔ tɔk, dɛn go no se dɛn dɔn lan sɔntin we go bɛnifit dɛn.

Tink bɔt wetin di pipul dɛn no. Bifo yu ripit di sem tin we dɛn bin dɔn yɛri trade, ɛp dɛn fɔ si di tɔpik difrɛn we.

Nɔ tɔk tumɔs bɔt pɔynt dɛn we dɛn no, bɔt tek yu tɛm we yu de tɔk nyu pɔynt dɛn.
Tek tɛm tink gud wan ɛn du risach. If i pɔsibul, nɔ tɔk tumɔs bɔt tin dɛn we at fɔ ɔndastand ɔ tin dɛn we de apin fɔ mek di men pɔynt dɛn. Tek tɛm tink bɔt yu matirial ɛn si aw i gɛt sɔntin fɔ du wit di tin dɛn we yu want fɔ tɔk bɔt.

We yu de stɔdi di matirial, alaw yusɛf fɔ tink bay we yu de aks yusɛf kwɛstyɔn dɛn lɛk ‘wetin, wetin mek, ustɛm, usay, udat, ɛn aw.’ Mek lɛ pipul dɛn want fɔ yɛri wetin yu de tɔk bɔt bay we yu de aks ɛn ansa sɔm pan dɛn kwɛstyɔn dɛn.
Sho aw yu mɛsej go bɛnifit dɛn. Ɛksplen aw di pɔynt dɛn na di skripchɔ go ɛp di pipul dɛn na dɛn layf. Tɔk bɔt patikyula tin we apin, di we dɛn aw pipul dɛn de biev, ɛn tin dɛn we fɔ du we go impɔtant to di wan dɛn we de lisin to yu.