Aw yu go bɛnifit mɔ frɔm yu Baybul stɔdi?
Fɔs, tray fɔ no wetin de na di fɔs pej dɛn, dɔn ple di VIDIO.
FƆS PAT
Fɔ pripia fɔ ɛni lɛsin, rid di fɔs pat. Di bold kwɛstyɔn (A) ɛn skripchɔ dɛn (B) de sho di men pɔynt dɛn. Yu go notis se dɛn rayt “rid” nia sɔm skripchɔ dɛn.
MIDUL PAT
Di fɔs tin we rayt (C) ɔnda di say we se Lan Mɔ de ɛksplen wetin yu de kam lan bɔt. Di sɔbɛdin dɛn (D) de sho di men pɔynt. Rid di skripchɔ dɛn, ansa di kwɛstyɔn dɛn, ɛn wach di vidio dɛn wit yu Baybul ticha.
Di VIDIO bɔks dɛn de dayrɛkt yu to vidio ɛn pikchɔ dɛn we de ad to di tɛks. Sɔm vidio dɛn de tɔk bɔt tru tru tin dɛn we bin apin. Ɔda wan dɛn na akt dɛn akt dɛn ɛn dɛn de sho rial tin dɛn we kin apin to pipul dɛn.
Stɔdi di skripchɔ dɛn fayn ɛn rid wetin rayt ɔnda de (E), dɔn tink bɔt aw yu go ansa wetin de na di say we se Sɔm Pipul dɛn Kin Se (F).
LAS PAT
Di lɛsin de dɔn wit di say we se Wetin Yu Dɔn Lan ɛn Rivyu (G). Rayt di det we yu dɔn di lɛsin. Ɔnda di say we se Gol (H), yu go gɛt sɔntin we yu fɔ de tray tranga wan fɔ du. Ɔnda di say we se Du Mɔ Risach (I), yu go si difrɛn tin dɛn we sɔntɛm yu go want fɔ rid ɔ wach.
Di sɛkshɔn dɛn na dis buk
|
|
|
|
|
Aw yu go ebul fɛn vas dɛn na di Baybul?
Di Baybul gɛt 66 smɔl buk dɛn. I gɛt tu pat: Di Ibru-Arameik Skripchɔ (“Ol Tɛstamɛnt”) ɛn di Grik Skripchɔ (“Nyu Tɛstamɛnt”).
We dɛn rayt ɛni skripchɔ na dis buk, dɛn de sho di Baybul buk in nem (A), dɔn di chapta (B), dɔn di vas ɔ vas dɛn (C).
Fɔ ɛgzampul, Jɔn 17:3 min di Baybul buk we nem Jɔn, chapta 17, vas 3.