Atikul dɛn we De Insay Dis Magazin

Wi go ebul fɔ gɛt tɛnki if wi de tink bɔt wi blɛsin dɛn ɛn tɛl Jiova tɛnki fɔ dɛn. We wi gladi fɔ di blɛsin dɛn we wi gɛt, wi nɔ go bi pɔsin we nɔ gɛt tɛnki ɛn i go ɛp wi fɔ bia ɛni prɔblɛm we go kam wi we. Wi 2015 iatɛks go de mɛmba wi fɔ de tɛl tɛnki te di ia dɔn.

Dis atikul go tɛl wi wetin mek wi fɔ mɛmba Jizɔs in day. I go sho wi wetin di Mɛmorial bred ɛn wayn min, ɛn i go sho aw pɔsin go no if i fɔ it di bred ɛn drink di wayn. Dis atikul go ɛp wi bak fɔ no aw wi fɔ pripia fɔ di Ivintɛm It fɔ Mɛmba di Masta.

Mared pipul dɛn kin gɛt bɔku prɔblɛm ɛn ɔda tin dɛn we kin tɛmpt dɛn. Bɔt bikɔs Jiova kin ɛp dɛn, dat kin mek dɛn lɛk dɛnsɛf mɔ ɛn gɛt gladi at na dɛn mared. Di fɔs atikul go tɔk bɔt fayv tin dɛn we go mek mared las. Dɛn tin ya jɔs tan lɛk di blɔk dɛn we dɛn kin yuz fɔ bil os. Ɛn dis atikul go tɔk bak bɔt wan ɔda tin we tan lɛk di mɔta we dɛn kin yuz fɔ jɔyn blɔk dɛn. Di sɛkɔn atikul go ɛp wi fɔ protɛkt wi mared.

Aw i kin tan lɛk, we tu pipul dɛn rili lɛk dɛnsɛf? I pɔsibul fɔ lɛk sɔmbɔdi sote go? Aw sɔmbɔdi go ebul fɔ sho dis kayn lɔv? Wi go lan dɛn tin ya insay Sɔlɔmɔn In Siŋ.