Nyus bɔt di Prichin Wok

Frɔm Jun 15, 2015, di Mɛnde transleshɔn tim muf go Bo na dɛn transleshɔn ɔfis we nɔ de na di branch. Dis dɔn mek dɛn gɛt chans fɔ de na say usay bɔku pipul dɛn de tɔk Mɛnde. Di branch ɔfis de plan bak fɔ mek di Kisi transleshɔn tim go de na Gegedu usay dɛn go de wok na say usay bɔku pipul dɛn de tɔk Kisi. I nɔ go te igen, dɛn go bigin fɔ tren di Timini transleshɔn tim na Makeni. Wi tɛl Jiova tɛnki fɔ we i dɔn blɛs di transleshɔn wok we dɔn mek pipul dɛn ebul fɔ tɔk wetin di fɔstɛm Kristian dɛn bin tɔk fɔ se: “Wi ɔl de yɛri dɛn pipul ya we kɔmɔt Galili de tɔk na wi yon difrɛn laŋwej dɛn bɔt dɛn big wok we Gɔd de du.”—Di Apɔsul Dɛn Wok [Akt] 2:​11.