Lɛ Wi Tray fɔ Du Dis we Wi De Prich—Tren Yu Baybul Stɔdi fɔ Gɛt di Abit fɔ Stɔdi Gud Gud Wan
Wetin Mek Dis Impɔtant: Fɔ mek wi Baybul stɔdi dɛn go ebul fɔ go bifo pan Gɔd biznɛs, nɔto jɔs smɔl smɔl tin dɛn bɔt Gɔd in Wɔd dɛn fɔ sabi. (Ibru 5:12–6:1) Dɛn rili nid fɔ wok tranga wan fɔ stɔdi. Dat min se di pɔsin fɔ kɔmpia wetin i jɔs dɔn lan wit wetin i bin no ɛn tray fɔ si us advays i go ebul fɔ lan insay de. (Prɔv. 2:1-6) We i lan fɔ rid ɔda buk dɛn fɔ no mɔ, dat go ɛp am fɔ yuz wi buk ɛn magazin dɛn fɔ ansa kwɛstyɔn dɛn frɔm di Baybul. We i tray tranga wan fɔ du di tin dɛn we i de lan, dat go ɛp am fɔ ebul bia ɛni prɔblɛm we go kam in we di tɛm we i go dɔn bi Kristian.—Lyuk 6:47, 48.
Tray fɔ Du Dis Insay Dis Mɔnt:
We una dɔn ɛni sɔbɛdin ɔ ɛni chapta, mek lɛ yu Baybul stɔdi tɔk smɔl bɔt wetin i jɔs dɔn lan. If yu nɔ gɛt Baybul stɔdi, praktis aw fɔ tɔk smɔl tin frɔm ɛni say we yu rid na di Baybul ɔ frɔm Di Wachtawa so dat yu go ebul fɔ lan mɔ fɔ ɔndastand tin dɛn we yu de rid.