Gɛt Kɔnfidɛns se Jiova Nɔ Go Lɛf Yu

Jiova de si yu as pɔsin we gɛt valyu. (Ayz 43:​4) Jiova dɔn drɔ wi kam to in ɛn in ɔganayzeshɔn. Bikɔs yu dɔn gi yu layf to Jiova ɛn baptayz, nain gɛt yu. I go kia fɔ yu lɛk in spɛshal prɔpati ivin tɛm we tin tranga. I go yuz in ɔganayzeshɔn fɔ sho yu tru tru lɔv.—Sam 25:​10.

Wi kin gɛt mɔ tɛnki fɔ Jiova in lɔv we nɔ de chenj we wi tink bɔt aw In ɔganayzeshɔn dɔn de ɛp dis biɛn tɛm we nachɔral dizasta dɛn de apin.

WACH DI VIDIO WE GƐT DI TAYTUL, 2019 KƆDINETƆ KƆMITI RIPƆT, DƆN UNA ANSA DI KWƐSTYƆN DƐN WE DE DƆŊ:

• 

  Aw di Kɔdinetɔ Kɔmiti dɔn pripia branch ɔfis dɛn ɔlsay na di wɔl fɔ ɛp we dizasta apin?

• 

  Aw Jiova in ɔganayzeshɔn bin gi dayrɛkshɔn ɛn dizasta rilif na Indonisha ɛn Nijiria?

• 

  Wetin yu lɛk bɔt wetin di ɔganayzeshɔn dɔn du bɔt di Kovid 19 pandɛmik?