Fɛn Kwayɛt Ples fɔ Stɔdi

Yu go lɛk fɔ bɛnifit mɔ frɔm yu pasɔnal stɔdi? Yu kin fala dɛn advays dɛn ya we go ɛp yu fɔ pe atɛnshɔn we yu de stɔdi:

• Pik ples we kwayɛt. If i pɔsibul, luk fɔ ples we klin ɛn we gɛt layt so dat yu go ebul fɔ rid. Yu kin sidɔm na say we gɛt dɛks ɔ tebul, ɔ yu kin fɛn fayn say na do.

• Fɛn ples we na yu wangren go de. Jizɔs bin disayd fɔ pre “ali mɔnin” na “ples we pipul dɛn nɔ de.” (Mak 1:35) If yu nɔ ebul fɔ fɛn ples we yu wangren go de, yu kin mek yu fambul dɛn ɔ di wan dɛn we una ɔl de na os no di tɛm we yu dɔn pik fɔ stɔdi ɛn tɔk to dɛn fɔ mek dɛn nɔ go ambɔg yu we da tɛm de rich.

• Kɔntinyu fɔ pe atɛnshɔn. Nɔ alaw ɛnitin fɔ tek yu atɛnshɔn. If yu de yuz yu fon ɔ tablɛt fɔ stɔdi, na fɔ put am saylɛnt ɔ ajɔst am di kayn we we go mek yu nɔ gɛt kɔl ɔ mɛsej we go tek yu atɛnshɔn. Ɛn if yu mɛmba sɔntin we yu fɔ du, na fɔ rayt am so dat yu nɔ go fɔgɛt fɔ du am leta, ɛn kɔntinyu fɔ stɔdi. If i nɔ izi fɔ mek yu pe atɛnshɔn, na fɔ stɔp di stɔdi, go waka smɔl, ɔ strɛch.