Fɔ Wɔship Imej Dɛn—Wetin di Baybul Se?

Akɔdin to di Catholic News Service, dyurin di tɛm we dɛn bin gɛt wan program na St. Peter’s Basilica Mach 25, 2022, Pop Fransis bin tinap bifo Meri in statyu, “i sɛt in yay ɛn butu in ed de pre kwayɛt wan.” I “beg Meri” fɔ pis. Wan Vatican News ripɔt bin tɔk bak se “di Pop bin pre to Meri fɔ lɛ mɔtalman dɛn oli mɔ di wan dɛn na Rɔshia ɛn Yukren.”

Wetin yu tink? Yu tink se i fayn fɔ pre bifo imej dɛn ɔ yuz dɛn fɔ wɔship? Lɛ wi tɔk bɔt dɛn Baybul vas dɛn ya:

• “Una nɔ fɔ mek nɔn aydɔl, ɔ ɛnitin we fiba sɔntin ɔp na ɛvin, ɔ dɔŋ na di wɔl, ɔ tin we de ɔnda wata ɔ ɔnda di grɔn. Una nɔ fɔ butu to ɛni lay lay gɔd fɔ wɔship am bikɔs mi [“Jiova,” NWT] we na una PAPA GƆD, a nɔ want wan rayval.”—Ɛksodɔs 20:​4, 5.a

• “Dɛn aydɔl dɛn na silva ɛn gold, we mɔtalman mek wit dɛn an. Dɛn gɛt mɔt, bɔt dɛn nɔ ebul tɔk; dɛn gɛt yay, bɔt dɛn nɔ ebul si; dɛn gɛt yes, bɔt dɛn nɔ ebul yɛri; dɛn get nos bɔt dɛn nɔ ebul smɛl; dɛn gɛt an, bɔt dɛn nɔ de fil; dɛn gɛt fut, bɔt dɛn nɔ ebul waka; dɛn nɔ ebul mek no sawnd wit dɛn trot. Di pipul dɛn we de mek dɛn ɛn di wan dɛn we abop pan dɛn, go tan jɔs lɛk dɛn.”—Sam 115:​4-8.

• “Mi na Jiova. Na dat na mi nem; a nɔ de gi mi glori to ɛnibɔdi ɛn a nɔ de gi mi prez to ɛni aydɔl.”—Ayzaya 42:​8, NWT.

• “Una rɔnawe pan aydɔl wɔship.”—1 Kɔrintians 10:​14.

• “Una nɔ gɛt ɛnitin fɔ du wit aydɔl dɛn.”—1 Jɔn 5:​21.

Fɔ lan mɔ bɔt wetin di Baybul se bɔt fɔ yuz imej dɛn fɔ wɔship, rid di atikul we gɛt di taytul “The Bible’s Viewpoint—Images” ɔ wach di vidio we gɛt di taytul Does God Approve the Use of Images in Worship?

Sɔntɛm yu go lɛk fɔ no bak wetin di Baybul se bɔt dɛn tɔpik dɛn ya:

• “The Virgin Mary—What Does the Bible Say About Her?”

• “Should You Pray to the Virgin Mary?”

• “Miracles and Apparitions—Signs From God?”

• “Peace on Earth—How Will It Come?”

Photo credit: Vincenzo Pinto/AFP via Getty Images