Tray fɔ Fil lɛk Aw Ɔda Pɔsin De Fil

Wetin Jizɔs Bin Du?

VIDIO: Jizɔs Fil Sɔri fɔ di Krawd

1. Wach di VIDIO, ɔ rid Mak 6:​30-34. Dɔn tink bɔt dɛn kwɛstyɔn dɛn ya:

1. Wetin mek Jizɔs ɛn in apɔsul dɛn bin want fɔ go usay “na dɛn nɔmɔ go de”?

2. Wetin bin muv Jizɔs fɔ tich di krawd?

Wetin Wi Lan Frɔm Jizɔs?

2. We wi fil lɛk aw ɔda pipul dɛn de fil, dat de mek wi bisin bɔt dɛn, nɔto jɔs di mɛsej we wi want fɔ tɛl dɛn.

Falamakata Jizɔs

3. Tek tɛm lisin. Alaw di pɔsin fɔ tɔk aw i de fil. Nɔ tray fɔ kɔt wɔd na in mɔt, ɔ mek lɛ i fil se di we aw i de fil, di tin dɛn we i bisin bɔt, ɛn di tin dɛn we i nɔ gri wit nɔ impɔtant. We yu pe atɛnshɔn, dat de sho se yu kia bɔt wetin i de tink.

4. Tink bɔt di pɔsin we want fɔ no mɔ. Frɔm di tin dɛn we una tɔk, aks yusɛf:

1. ‘Wetin mek i nid fɔ yɛri di tru?’

2. ‘We i de stɔdi di Baybul, aw dat go mek in layf bɛtɛ naw ɛn tumara bambay?’

5. Tɔk bɔt tin dɛn we go ɛp am. Nɔ westɛm fɔ sho am aw di Baybul stɔdi go ansa in kwɛstyɔn dɛn ɛn ɛp am wit tin dɛn na layf.