Lɛ Wi Tray fɔ Du Dis we Wi De Prich—Tray fɔ Stat Baybul Stɔdi wit Pɔsin we Yu Kin Gi Magazin Ɔltɛm

Wetin Mek Dis Impɔtant? Bɔku pipul dɛn we kin lɛk fɔ rid wi magazin dɛn nɔ kin want fɔ stɔdi di Baybul wit wi. Sɔntɛm dɛn lɛk di rilijɔn we dɛn de ɔ dɛn de fil se dɛn nɔ gɛt tɛm fɔ stɔdi di Baybul. Bɔt as dɛn de rid wi magazin dɛn ɔltɛm, dɛnsɛf go want fɔ no mɔ bɔt Gɔd in Wɔd. (1 Pit. 2:2) Wan patikyula atikul we dɛn go rid kin tɔch dɛn at ɔ sɔm tin dɛn we kin apin to dɛn, kin chenj. We wi de go de ɔltɛm ɛn spɛn smɔl tɛm wit dɛn, dat go mek dɛn fil fayn we dɛn de wit wi ɛn wi go ebul fɔ no wetin dɛn lɛk ɛn wetin dɛn bisin bɔt. Smɔl smɔl, wi go ebul fɔ stat Baybul stɔdi wit dɛn.