Yuz Gɔd in Wɔd di Rayt We we Yu De Prich

If pɔsin gi wi chans fɔ mek wi prich to am, wi fɔ yuz da chans de fɔ yuz Gɔd in Wɔd di rayt we bay we wi rid skripchɔ dɛn frɔm di Baybul. Wi bin lan mɔ bɔt dat insay wi spɛshal de asɛmbli las ia. Di sakit ovasia bin gi wan tɔk we gɛt di taytul, “Yuz Gɔd in Wɔd di Rayt We we Yu De Prich.” Yu mɛmba di men pɔynt dɛn?

• Wetin mek Jiova in wɔd gɛt pawa pas wetin wi de tɔk?—2 Tim. 3:16, 17.

• Aw di Baybul kin mek wi fil, chenj di we aw wi de tink, ajɔst wetin wi want fɔ du, ɛn di we aw wi de biev?—Rid di Jun 15, 2012, Wachtawa (Inglish), pej 27, par. 7.

• We wi rid skripchɔ to pɔsin na fil savis, aw wi go mek i no se na Gɔd in Wɔd so dat i go rɛspɛkt am?—Rid di Ministry School buk, pej 148, par. 3 to par. 4, ɛn di Mach 2013 Wi Kiŋdɔm Ministri (Inglish), pej 6, par. 8.

• Wetin mek i impɔtant fɔ ɛksplen ɛn tɔk mɔ bɔt di skripchɔ we wi dɔn rid, ɛn aw wi go ebul fɔ du dat?—Di Apɔsul Dɛn Wok [Akt] 17:2, 3; rid di Ministry School buk, pej 154, par. 4 to pej 156, par. 5.