“Luk Mi! Sɛn Mi.”

I fayn fɔ mek wi falamakata di we aw Ayzaya bin rɛdi fɔ du wetin Jiova want. I bin sho se i gɛt fet ɛn i bin gri fɔ du wetin Jiova want wantɛm wantɛm, pan ɔl we i nɔ bin no bɔt ɔltin. (Ayz. 6:​8) Yu go ebul ajɔst di tin dɛn we yu de du, so dat yu go ebul sav na ples we dɛn nid mɔ pipul dɛn fɔ prich? (Sam 110:​3) Fɔ tru, i go fayn fɔ mek wi “tink if di kɔpɔ we [wi] gɛt go du,” if wi go na dɛn ples dɛn de. (Lyuk 14:​27, 28) Bɔt wi fɔ rɛdi fɔ mek sakrifays fɔ di prichin wok. (Mat. 8:​20; Mak 10:​28-30) As wi bin dɔn si na di fim we gɛt di taytul Fɔ Go De na Ples Usay Dɛn Nid Mɔ Pipul dɛn fɔ Prich, di we aw Jiova go blɛs wi, go pas fa fawe ɛni sakrifays we wi mek.

AFTA WE YU DƆN WACH DI FIM, ANSA DƐN KWƐSTYƆN DƐN YA:

• Uskayn sakrifays dɛn di wan dɛn na di Wiliams famili bin mek, so dat dɛn go go sav na Ɛkwidɔ?

• Wetin-ɛn-wetin dɛn bin tink bɔt, we dɛn bin de pik usay fɔ go sav?

• Wetin na di blɛsin dɛn we dɛn bin gɛt?

• Usay yu go fɛn mɔ tin dɛn we go ɛp yu fɔ no bɔt aw fɔ go sav na ples dɛn we dɛn nid mɔ pipul dɛn fɔ prich?

DI NƐKS TƐM WE UNA DE DU UNA FAMILI WƆSHIP, UNA TƆK BƆT DƐN KWƐSTYƆN DƐN YA:

• Aw wi go ebul fɔ du mɔ na di prichin wok as famili? (km 8/11-E pej 4 to pej 6)

• If wi nɔ ebul fɔ go sav na ples we dɛn nid mɔ pipul dɛn fɔ prich, us we dɛn wi go ebul fɔ ɛp na wi kɔngrigeshɔn? (w16.03-E pej 23 to pej 25)