Pan ɔl we dɛn nɔ bin de mek di Pasova fɔ sho aw di Mɛmorial go tan lɛk, sɔm tin dɛn we dɛn bin de du pan di pasova min sɔntin to wi. Fɔ ɛgzampul, di apɔsul Pɔl bin tɔk se Jizɔs na “di ship we dɛn dɔn sakrifays fɔ wi yon Pasova.” (1Kɔ 5:7) Jɔs lɛk aw di ship in blɔd we bin de na di domɔt bin sev pipul dɛn layf, na so bak Jizɔs in blɔd de sev pipul dɛn layf. (Ɛks 12:12, 13) Dɔn bak, dɛn nɔ bin brok di Pasova ship in bon. Semweso, dɛn nɔ bin brok nɔn pan Jizɔs in bon dɛn pan ɔl we na dat dɛn bin dɔn yus fɔ du we dɛn de kil pipul dɛn.—Ɛks 12:46; Jɔn 19:31-33, NW, 36.