Lɛ Wi Tray fɔ Du Dis we Wi De Prich—Aw Wi Go Ebul fɔ Yuz JW.ORG Fayn Fayn Wan?

WETIN MEK DIS IMPƆTANT? Ɔl wi buk ɛn magazin dɛn we de na wi Tichin Tulbɔks de tɔk bɔt jw.org. Infakt, di men rizin fɔ di kɔntakt kad ɛn di trakt we gɛt di taytul, Usay Wi Go Fɛn di Ansa To Sɔm Impɔtant Kwɛstyɔn dɛn We Wi Kin Aks? na fɔ dayrɛkt pipul dɛn to wi wɛbsayt. Yu kin yuz jw.org fɔ gi buk, magazin, ɔ ɔda tin dɛn frɔm wi Tichin Tulbɔks bay we yu yuz imel fɔ sɛn ilɛktronik kɔpi ɔ bay we yu sɛn link. Dis kin fayn mɔ we yu de prich to pɔsin we de tɔk ɔda langwej. Dɔn bak, pipul dɛn go aks kwɛstyɔn dɛn we di ansa dɛn go de na buk ɛn magazin dɛn we nɔ de na wi Tichin Tulbɔks. If wi sabi aw fɔ yuz di wɛbsayt fayn, wi go ebul fɔ prich gud gud wan.

AW FƆ DU AM?

• 

  Yuz di say we se, “BIBLE TEACHINGS” Lɛ wi se yu de prich to mama ɔ papa we go want fɔ no mɔ bɔt aw fɔ mɛn pikin. Yu kin go na di say we se BIBLE TEACHINGS > MARRIAGE & FAMILY.

• Yuz di say we se, BUK ƐN ƆDA TIN DƐN Lɛ wi se yu de prich na skul ɛn yu want fɔ sho yu klasmet di brosho we gɛt di taytul, Di Ansa to 10 Kwɛstyɔn dɛn we Yɔŋ Pipul dɛn Kin Aks. Yu kin go na di say we se BUK ƐN ƆDA TIN DƐN > BUK DƐN.

• Yuz di say we se, LAN BƆT WI Lɛ wi se yu de prich to yu kɔmpin wokman we go lɛk fɔ rid smɔl bɔt wetin wi biliv. Yu kin go na di say we se LAN BƆT WI > KWƐSTYƆN DƐN WE PIPUL DƐN KIN AKS ƆLTƐM BƆT JIOVA WITNƐS DƐN.

WACH DI FIM WE GƐT DI TAYTUL, AW WI GO EBUL FƆ YUZ JW.ORG FAYN FAYN WAN? DƆN TINK BƆT USAY YU GO GO NA DI WƐBSAYT FƆ ƐP:

• pɔsin we nɔ biliv se Gɔd de

• pɔsin we bad tin jɔs apin to

• inaktiv brɔda ɔ sista

• ritɔn visit we de wɔnda aw wi de gɛt mɔni fɔ du wi wok

• pɔsin we kɔmɔt ɔda kɔntri we go want fɔ atɛnd mitin na in kɔntri