DI VALYU TIN DƐN FRƆM GƆD IN WƆD | JƆN 5-6
Fala Jizɔs fɔ di Rayt Rizin
We Jizɔs bin pul parebul we bin at fɔ mek di disaypul dɛn ɔndastand, dat bin ambɔg sɔm pipul dɛn ɛn dɛn bin lɛf fɔ fala am. Jɔs wan de bifo dat, Jizɔs bin pafɔm mirekul ɛn fid dɛn fɔ sho se na frɔm Gɔd i de gɛt in pawa. So wetin mek di tin we Jizɔs tɔk bin ambɔg dɛn? I go mɔs bi se na bikɔs dɛn nɔ bin de fala Jizɔs fɔ di rayt rizin. Dɛn bin jɔs de wit am fɔ di tin dɛn we dɛn de gɛt.
Wi ɔl nid fɔ aks wisɛf dɛn kwsɛtyɔn dɛn ya: ‘Wetin mek a de fala Jizɔs? Di men rizin na bikɔs a de ɛnjɔy blɛsin dɛn naw ɛn a go ɛnjɔy ɔda wan dɛn tumara bambay? Ɔ na bikɔs a lɛk Jiova ɛn a want fɔ mek i gladi?’
Wetin go mek sɔntin ambɔg wi if na wan pan dɛn rizin dɛn ya na di men tin we mek wi de sav Jiova:
Wi de ɛnjɔy fɔ de wit Gɔd in pipul dɛn
Wi want fɔ de na Paradays