Yu De Si Gɔd in Kwaliti dɛn Frɔm di Tin dɛn we I Mek?

We yu luk flawa dɛn we gɛt fayn kɔlɔ, di bɔku sta dɛn na di skay, ɔ we bɔku wata de rɔn dɔŋ dɛn il dɛn, i de mek yu tink bɔt di wan we mek dɛn? Di tin dɛn we de arawnd wi de mek wi si Jiova in kwaliti dɛn. (Rom 1:​20) We wi tek smɔl tɛm fɔ tink bɔt di tin dɛn we wi de si wit wi yay, i de mek wi si di kayn we aw Gɔd gɛt fri an, sɛns, pawa, lɔv, ɛn de du tin tret.—Sam 104:​24.

Wetin na sɔm pan di tin dɛn we Jiova mek we yu de notis ɛvride? Ilɛksɛf yu de na siti, i go mɔs bi se yu de si bɔd ɛn tik dɛn. We wi de tek tɛm fɔ luk di tin dɛn we Jiova mek, i de ɛp wi fɔ mek wi nɔ wɔri pasmak, fɔ mek wi pe atɛnshɔn pan tin dɛn we rili impɔtant, ɛn mek wi gɛt mɔ fet pan Jiova fɔ se i go ebul fɔ kia fɔ wi sote go. (Mat 6:​25-32) If yu gɛt pikin dɛn, ɛp dɛn fɔ lan mɔ bɔt Jiova in fayn kwaliti dɛn. We wi de sho se wi gladi fɔ di tin dɛn we Gɔd mek, dat de mek wi gɛt tayt padi biznɛs wit di wan we mek ɔltin.—Sam 8:​3, 4.

WACH DI FIM WE GƐT DI TAYTUL, DI WƆNDAFUL TIN DƐN WE GƆD MEK DE SHO AW I GRET—LAYT ƐN KƆLƆ, DƆN UNA ANSA DƐN KWƐSTYƆN DƐN YA:

• Aw pigmɛnt dɛn de mek wi ebul si difrɛn kɔlɔ dɛn?

• Wetin de mek wi si wan kɔlɔ difrɛn we dɛn?

• Wetin mek wi de si difrɛn kɔlɔ dɛn na di skay?

• Pan ɔl di difrɛn kɔlɔ dɛn we Gɔd mek, us spɛshal wan yu dɔn si nia yu os?

• Wetin mek wi fɔ tek tɛm fɔ luk di tin dɛn we Gɔd mek gud gud wan?