Aw Yu Go Bɛnifit Mɔ Frɔm Yu Pasɔnal Stɔdi?

WETIN MEK I IMPƆTANT? We wi wan de stɔdi Gɔd in Wɔd i de ɛp wi fɔ ebul ɔndastand aw di trut “wayd, aw i lɔŋ, aw i ay, ɛn aw i dip.” (Ɛfi 3:​18) I de ɛp wi bak fɔ mek wi nɔ gɛt wan fɔlt ɛn mek dis wikɛd wɔl nɔ dɔti wi, ɛn i de mek wi “kɔntinyu fɔ ol di wɔd we de gi layf tayt.” (Fil 2:​15, 16, NW) We wi wan de stɔdi Gɔd in Wɔd wi de gɛt chans fɔ pik wetin fit wi ɛn wetin wi nid. Wetin wi go du fɔ bɛnifit mɔ frɔm di tɛm we wi de yuz fɔ rid ɛn stɔdi di Baybul?

AW FƆ DU AM?

• Aylayt vas dɛn ɛn mek not dɛn na yu Baybul we yu de yuz fɔ pasɔnal stɔdi, ilɛk yu de yuz fon, tablɛt, ɔ pepa

• Aks yusɛf dɛn kwɛstyɔn dɛn ya as yu de rid Gɔd in Wɔd: ‘Udat? Wetin? Ustɛm? Usay? Wetin mek? Aw?’

• Tray fɔ ɔndastand klia wan. Yuz di tin dɛn we yu gɛt fɔ du risach. Du yu risach bay tɔpik ɔ Baybul vas

• Tink gud wan bɔt wetin yu de rid fɔ si aw i go bɛnifit yu

• Du wetin yu de lan ɛvride.—Lyu 6:​47, 48

WACH DI FIM WE GƐT DI TAYTUL, “KƆNTINYU FƆ OL DI WƆD WE DE GI LAYF TAYT” BAY WE YU DU PASƆNAL STƆDI FAYN FAYN WAN, DƆN UNA ANSA DƐN KWƐSTYƆN DƐN YA:

• Wetin sɔm dɔn tɔk bɔt pasɔnal stɔdi?

• Wetin mek wi fɔ pre fɔs ɛnitɛm wi want fɔ du pasɔnal stɔdi?

• Wetin go ɛp wi fɔ ɔndastand di pat we wi de rid na di Baybul mɔ?

• Us difrɛn mak dɛn wi kin put na wi Baybul we wi de yuz fɔ stɔdi?

• Wetin mek i impɔtant fɔ mek wi tink gud gud wan we wi de stɔdi Gɔd in Wɔd?

• Wetin wi fɔ du wit wetin wi de lan?