Gud Wok dɛn we Jiova Nɔ Go Fɔgɛt

I pɔsibul fɔ mek Jiova in pipul dɛn du gud wok fɔ am we i nɔ go ɛva fɔgɛt. Mama ɛn papa we lɛk dɛn pikin dɛn, nɔ de ɛva fɔgɛt di gud tin dɛn we dɛn pikin dɛn dɔn du; semweso, Jiova sɛf nɔ de ɛva fɔgɛt di lɛk we wi lɛk am ɛn di wok we wi de du fɔ am. (Mat 6:​20; Ibr 6:​10) Na tru se wi ɔl gɛt wetin wi ebul fɔ du ɛn di tin dɛn we de apin to wi nɔto di sem. Bɔt if wi du wi bɛst fɔ sav Jiova, wi go gladi. (Gal 6:​4; Kɔl 3:​23, NW) Fɔ lɔng tɛm naw, bɔku bɔku brɔda ɛn sista dɛn dɔn de wok na Bɛtɛl. Yu go ebul fɔ go ɛp na Bɛtɛl? If yu nɔ go ebul, yu go ɛnkɔrej ɔda pɔsin fɔ du dat ɔ ɛp wan Bɛtɛlayt fɔ kɔntinyu fɔ du dis spɛshal wok?

WACH DI FIM WE GƐT DI TAYTUL, WETIN YU GO DU FƆ WOK NA BƐTƐL? DƆN UNA ANSA DI KWƐSTYƆN DƐN WE DE DƆŊ:

• Wetin fɔ mek yu want fɔ go wok na Bɛtɛl?

• Wetin sɔm brɔda ɛn sista dɛn dɔn tɔk bɔt di blɛsin dɛn we dɛn gɛt we dɛn de wok na Bɛtɛl?

• Wetin ɛn wetin go mek wi fit fɔ wok na Bɛtɛl?

• Aw yu go aplay fɔ wok na Bɛtɛl?