Tinap Tranga Wan as di Ɛnd De Kam Nia

WETIN MEK I IMPƆTANT? I nɔ go te igen fiaful tin dɛn go apin we go mek wi nid fɔ sho se wi gɛt maynd ɛn abop pan Jiova pas ɛni ɔda tɛm. Di big big trɔbul go bigin we dɛn go dɔnawe wit lay lay rilijɔn. (Mat 24:​21, NWT; Rɛv 17:​16, 17, NWT) Insay dɛn tɛm dɛn de we tin nɔ go izi, sɔntɛm wi go de prich jɔjmɛnt mɛsej we go sho se wi gɛt maynd. (Rɛv 16:​21, NWT) Gɔg we de na Megɔg go atak wi. (Izi 38:​10-12, 14-16) Jiova go fɛt fɔ in pipul dɛn bay we i go briŋ “di wɔ we go bi da big de we Gɔd Ɔlmayti go kam wit.” (Rɛv 16:​14, 16, NWT) Fɔ mek wi go gɛt maynd fɔ di tin dɛn we go gɛt fɔ apin, wi nid fɔ tinap tranga wan naw we sɔntin tɛst wi fet.

AW FƆ DU AM?

• Wi nid fɔ gɛt maynd fɔ tɔk bɔt Jiova ɛn fɔ liv wi layf di we aw I want.—Ayz 5:​20

• Wi nid fɔ kɔntinyu fɔ de wɔship Jiova wit wi brɔda ɛn sista dɛn.—Ibru. 10:​24, 25, NWT

• Wi fɔ rɛdi fɔ fala wetin Jiova in ɔganayzeshɔn de tɛl wi fɔ du.—Ibru. 13:​17, NWT

• Tink gud wan bɔt aw Jiova bin sev in pipul dɛn trade.—2Pi 2:​9, NWT

• Pre to Jiova ɛn abop pan am.—Sam 112:​7, 8

WACH DI FIM WE GƐT DI TAYTUL, TIN DƐN WE GO APIN TUMARA BAMBAY WE WI GO NID FƆ SHO SE WI GƐT MAYND—SHƆT PAT, DƆN UNA ANSA DƐN KWƐSTYƆN DƐN YA:

• 

  Us tɛst di pɔblisha dɛn bin gɛt we dɛn jɔyn dɛn kɔngrigeshɔn wit ɔda kɔngrigeshɔn dɛn?

• 

  We wi obe, aw dat go ɛp wi fɔ gɛt maynd?

• 

  Wetin mek wi go nid fɔ gɛt maynd we Amagɛdɔn kam?

• 

  Us Baybul ɛgzampul go ɛp wi fɔ gɛt mɔ fet pan Jiova fɔ se i go sev wi?—2Kro 20:​1-24