Prez Jiova as Payɔnia

Di Izrɛlayt dɛn bin gɛt gud rizin dɛn fɔ prez Jiova. I dɔn pul dɛn kɔmɔt na Ijipt ɛn dɔn sev dɛn frɔm Fɛro in sojaman dɛn! (Ɛks 15:​1, 2) Jiova de kɔntinyu fɔ du gud tin dɛn fɔ in pipul dɛn. Aw wi go sho se wi gɛt tɛnki?—Sam 116:​12.

Wan we na bay we wi disayd fɔ ɔgzilari ɔ rɛgyula payɔnia. Yu kin pre fɔ mek yu want fɔ payɔnia ɛn fɔ gɛt di trɛnk fɔ du am. (Fil 2:​13, NWT) Bɔku pɔblisha dɛn bin stat as ɔgzilari payɔnia. If yu want fɔ ɔgzilari payɔnia yu kin disayd fɔ spɛnd 30 ɔ 50 awa insay Mach ɛn Epril, ɛn di mɔnt we una de gɛt sakit visit. Afta we yu dɔn ɛnjɔy fɔ ɔgzilari payɔnia, sɔntɛm yu go want fɔ bi rɛgyula payɔnia. Ivin sɔm brɔda ɛn sista dɛn we de wok ɛvride ɔ we nɔ gɛt bɛtɛ wɛlbɔdi dɔn ebul fɔ rɛgyula payɔnia. (mwb16.07 8) Fɔ tru, i fayn fɔ mek wi du ɔl wetin wi ebul fɔ prez Jiova bikɔs i fit fɔ mek wi prez am!—1Kro 16:​25.

WACH DI FIM WE GƐT DI TAYTUL, TRI SISTA DƐN NA MONGOLIA, DƆN UNA ANSA DI KWƐSTYƆN DƐN WE DE DƆŊ:

• 

  Us prɔblɛm dɛn di sista dɛn bin gɛt? Wetin dɛn bin du fɔ sɔlv dɛn prɔblɛm dɛn de fɔ mek dɛn go ebul fɔ payɔnia?

• 

  Us blɛsin dɛn, dɛn dɔn gɛt?

• 

  Us nyu chans dɛn, dɛn gɛt fɔ sav Jiova we dɛn bin de rɛgyula payɔnia?

• 

  Aw dɛn ɛgzampul bin afɛkt ɔda pipul dɛn?