Yuz Ilɔstreshɔn fɔ Tich Men Pɔynt Dɛn

We wi de du ritɔn visit ɛn Baybul stɔdi dɛn, wi nid fɔ ɛp di wan dɛn we de lisin to wi fɔ ɔndastand di men pɔynt dɛn. We wi yuz ilɔstreshɔn fɔ ɛksplen di pɔynt dɛn, dat go tɔch dɛn at ɛn mek am izi fɔ dɛn fɔ mɛmba.

We yu de rɛdi fɔ du ritɔn visit ɔ Baybul stɔdi, fɛn di men pɔynt dɛn we yu go want fɔ ɛksplen, yu nɔ go nid fɔ ɛksplen ɔltin. Dɔn pik simpul ɛgzampul bɔt tin dɛn we wi de du ɛvride. (Mat 5:​14-16; Mak 2:​21; Lyu 14:​7-11) Tink bɔt wetin di wan dɛn we de lisin to yu sabi ɛn di tin dɛn we dɛn de du. (Lyu 5:​2-11; Jɔn 4:​7-15) We yu si se di pɔsin gladi bikɔs i de ɔndastand wetin una de tɔk bɔt, dat go mek yu gladi.

WACH DI VIDIO WE GƐT DI TAYTUL, GƐT GLADI-AT WE YU DE MEK DISAYPUL—DU MƆ FƆ PRICH ƐN TICH—YUZ ILƆSTRESHƆN FƆ TICH MEN PƆYNT DƐN, DƆN UNA ANSA DI KWƐSTYƆN DƐN WE DE DƆŊ:

• 

  Wetin mek wi Baybul studɛnt dɛn nid ɛp fɔ ɔndastand di Baybul?

• 

  Aw Anita bin yuz ɛgzampul fɔ ɛksplen di tru tin we de na Romans 5:​12?

• 

  We wi yuz fayn ilɔstreshɔn dɛn aw dat kin afɛkt di wan dɛn we de lisin to wi?

• Wetin mek wi fɔ yuz vidio ɛn ɔda tin dɛn fɔ tich we Jiova in ɔganayzeshɔn dɔn gi wi we wi de prich?