LIV YU LAYF LƐK KRISTIAN
Yuz Ɛnjɔy Layf Sote Go! fɔ Prich
Wi rili gladi fɔ gɛt dis nyu brosho ɛn buk fɔ kɔndɔkt Baybul stɔdi dɛn! Wi de pre mek Jiova blɛs di tray we wi de tray fɔ mek bɔku disaypul dɛn. (Mat 28:18-20; 1Kɔ 3:6-9) Aw wi go yuz dɛn nyu tul dɛn ya?
Bikɔs di Ɛnjɔy Layf Sote Go! buk ɛn brosho de mek di ticha ɛn di studɛnt gɛt chans fɔ tɔk, ɛn i de sho nyu we aw fɔ tich, i fayn fɔ fala dɛn gaydlayn dɛn ya we yu de pripia fɔ go kɔndɔkt stɔdi ɛn we wi de kɔndɔkt Baybul stɔdi dɛn.a
Rid di paregraf dɛn ɛn tɔk bɔt di kwɛstyɔn dɛn
Rid di skripchɔ dɛn we dɛn se fɔ “rid” ɛn ɛp di studɛnt fɔ ɔndastand aw i fɔ aplay dɛn
Ple ɛn tɔk bɔt di vidio dɛn bay we yu yuz di kwɛstyɔn dɛn we de de
Tray fɔ dɔn wan lɛsin ɛnitɛm we una stɔdi
We yu de prich, yuz di brosho fɔ no if pɔsin gɛt intrɛst. (Luk di bɔks “Aw Yu Go Yuz di Ɛnjɔy Layf Sote Go! Brosho Di Fɔstɛm we Yu Prich to Pɔsin?”) If una dɔn dɔn fɔ stɔdi di brosho ɛn di studɛnt sho se i want fɔ kɔntinyu fɔ stɔdi, gi am di buk ɛn una stat fɔ stɔdi frɔm lɛsin 4. If yu dɔn de yuz Lan Frɔm di Baybul ɔ Kɔntinyu fɔ Mek Gɔd Lɛk Yu buk, na fɔ transfa to di Ɛnjɔy Layf Sote Go! buk ɛn disayd usay una go bigin fɔ stɔdi.
WACH DI VIDIO WE GƐT DI TAYTUL, WƐLKƆM TO YU BAYBUL STƆDI, DƆN UNA ANSA DI KWƐSTYƆN DƐN WE DE DƆŊ:
Wetin studɛnt dɛn go lan na dis nyu buk?
Wetin mek wi fɔ sho nyu studɛnt dɛn dis vidio?
Us gol dɛn yu fɔ kɔntinyu fɔ ɛp yu studɛnt fɔ sɛt ɛn rich?—Luk di chat we se “Wetin Yu Go Lan Insay Dis Sɛkshɔn ɛn Gol dɛn fɔ Ɛni Sɛkshɔn.”
a NOT: Pan ɔl we ɔlman fɔ disayd if dɛn fɔ du di say we se “Du Mɔ Risach” tek tɛm rid ɔltin ɛn wach wetin de de we yu de pripia. Dat go ɛp yu fɔ no wetin go fayn fɔ yu studɛnt ɛn wetin go ɛp am. Di ilɛktronik buk gɛt link dɛn to vidio dɛn ɛn ɔda tin dɛn.
WETIN YU GO LAN ƐN GOL DƐN NA ƐNI SƐKSHƆN |
|||
---|---|---|---|
LƐSIN DƐN |
WETIN YU GO LAN INSAY DIS SƐKSHƆN |
GOL DƐN FƆ DI STUDƐNT |
|
01-12 |
Yu go lan bɔt aw di Baybul go ɛp yu ɛn aw yu go kam fɔ no di Wan we mek dɛn rayt am |
Ɛnkɔrej di studɛnt fɔ rid di Baybul, pripia fɔ di stɔdi, ɛn bigin fɔ go mitin |
|
13-33 |
Yu go lan bɔt wetin Gɔd dɔn du fɔ wi ɛn uskayn wɔship de mek i gladi |
Ɛnkɔrej di studɛnt fɔ tɛl ɔda pipul dɛn di tru tin dɛn we i de lan ɛn fɔ bi pɔblisha |
|
34-47 |
Lan bɔt wetin Gɔd de ɛkspɛkt di wan dɛn we de wɔship am fɔ du |
Ɛnkɔrej di studɛnt fɔ gi in layf to Jiova ɛn baptayz |
|
48-60 |
Lan aw fɔ kɔntinyu fɔ mek Gɔd lɛk yu |
Tich di studɛnt aw i go no di difrɛns bitwin wetin rayt ɛn wetin rɔng ɛn fɔ mek in padi biznɛs wit Jiova go bifo |