Aw Sista dɛn Go Du Mɔ?

Sista dɛn de du impɔtant wok dɛn fɔ di Kiŋdɔm. (Sam 68:​11) Dɛn de kɔndɔkt bɔku Baybul stɔdi dɛn ɛn bɔku pan di rɛgyula payɔnia dɛn na sista dɛn. Bɔku sista dɛn de wok tranga wan as Bɛtɛlayt dɛn, mishɔnari dɛn, kɔnstrɔshɔn vɔlɔntia ɔ savant dɛn ɛn sɔm na transletɔ dɛn. Machɔ sista dɛn de ɛp dɛn famili dɛn ɛn di kɔngrigeshɔn dɛn fɔ go bifo. (Prɔ 14:​1) Pan ɔl we sista dɛn nɔ go bi ɛlda ɔ ministrial savant dɛn, dɛn kin stil sɛt gol dɛn na di kɔngrigeshɔn. If yu na sista aw yu go du mɔ?

• Tray fɔ gɛt kwaliti dɛn we de sho se yu de fred Gɔd. —1Ti 3:​11; 1Pi 3:​3-6

• Ɛp sista dɛn na di kɔngrigeshɔn we nɔ gɛt bɛtɛ ɛkspiriɛns.—Tay 2:​3-5

• Spɛnd mɔ tɛm fɔ prich ɛn lan fɔ du am fayn fayn wan

• Lan ɔda langwej

• Go usay dɛn nid mɔ pipul dɛn fɔ prich

• Aplay fɔ wok na Bɛtɛl ɔ fɔ ɛp fɔ bil tiokratik bildin dɛn

• Aplay fɔ go di Skul fɔ Pipul dɛn We De Prich bɔt Gɔd in Kiŋdɔm

WACH DI VIDIO WE GƐT DI TAYTUL, “UMAN DƐN WE DE WOK TRANGA WAN FƆ DI MASTA,” DƆN UNA ANSA DIS KWƐSTYƆN:

• Aw di kɔmɛnt dɛn we ɛniwan pan di sista dɛn mek ɛnkɔrej yu?