Payɔnia

Wi de yuz wi trɛnk di rayt we we wi sɛt gol dɛn fɔ du mɔ fɔ Jiova. (1Kɔ 9:​26) Bikɔs bɛtɛ tɛm nɔ de fɔ mek dis wɔl dɔn, we wi sɛt gol dɛn dat go ɛp wi fɔ mek wi yuz wi tɛm di rayt we. (Ɛfi 5:​15, 16) We una de du una famili wɔship, una kin tɔk bɔt di gol dɛn we una go want fɔ sɛt fɔ di nyu savis ia. Fɔ ɛp yu, dis mitin buk gɛt difrɛn atikul dɛn we de tɔk bɔt difrɛn gol dɛn we yu go pre ɛn tink gud wan bɔt.—Jem 1:​5.

Fɔ ɛgzampul, i pɔsibul fɔ mek ɔlman na di famili wok togɛda fɔ mek wan pɔsin bi rɛgyula payɔnia? If yu nɔ shɔ se yu mitɔp di awa dɛn, tɔk to sɔm payɔnia dɛn we gɛt di sem prɔblɛm we yu gɛt. (Prɔ 15:​22) Sɔntɛm, yu kin ivin intavyu wan payɔnia we una de du famili wɔship. Dɔn mek shɛdul. If yu bin de payɔnia trade, tink gud wan if di tin dɛn we de apin to yu go alaw yu fɔ payɔnia rayt naw.

Pɔsin de na yu famili we go ebul fɔ payɔnia fɔ wan mɔnt ɔ pas dat? If yu nɔ gɛt bɛtɛ trɛnk, yu kin ebul fɔ ɔgzilari payɔnia bay we yu de yuz smɔl tɛm fɔ prich ɛvride. If yu nɔ gɛt bɛtɛ tɛm fɔ prich insay di wik bikɔs yu de wok fultaym ɔ yu de go skul, sɔntɛm yu kin pik mɔnt we gɛt ɔlide ɔ fayv wikɛnd dɛn. Rayt di tɛm we yu plan fɔ ɔgzilari payɔnia na yu kalɛnda ɛn mek shɛdul.—Prɔ 21:​5.

WACH DI VIDIO WE GƐT DI TAYTUL, SHO SE YU GƐT MAYND AS . . . PAYƆNIA, DƆN UNA ANSA DI KWƐSTYƆN WE DE DƆŊ:

• Wetin sista Amand in ɛkspiriɛns tich wi bɔt aw Jiova de sho lɔv ɛn kia fɔ di wan dɛn we de mek sakrifays dɛn fɔ payɔnia?